তেজপুৰ,4 মাৰ্চ: আগন্তুক অসম বিধানসভা নিৰ্বাচনৰ বাবে শোণিতপুৰত নিয়োজিত হ’বলগীয়া বিষয়া-কৰ্মচাৰীসকলে ক'ভিড-19 প্ৰতিষেধক গ্ৰহণ কৰিব লাগিব ৷ শোণিতপুৰৰ মুঠ 26 টা ভোটকেন্দ্ৰত নিয়োজিত বিষয়া-কৰ্মচাৰীসকলে 7 মাৰ্চৰ ভিতৰত গ্ৰহণ কৰিব লাগিব প্ৰতিষেধক ৷ জিলা নিৰ্বাচনী বিষয়া মানবেন্দ্ৰ প্ৰতাপ সিঙে এই কথা সদৰী কৰে ৷ এইবেলি নিৰ্বাচনত জিলাখনত নিয়োজিত হ’ব 9 হাজাৰ বিষয়া-কৰ্মচাৰী ৷
তেওঁ এই কথাও জানিবলৈ দিয়ে যে, যি সকল বিষয়া কৰ্মচাৰীৰ দেহত ক'ভিড-19 ৰ লক্ষণ দেখা যাব, তেওঁলোকে নিৰ্বাচনৰ পূৰ্বে ক'ভিড-19 ৰ পৰীক্ষা কৰিব লাগিব ৷ ক'ভিড প্ৰট'কল অনুসৰি নিৰ্বাচনী আয়োগৰ নিৰ্দেশনা অনুযায়ী, 80 বছৰৰ ঊৰ্ধৰ ব্যক্তি, বিশেষভাৱে সক্ষম, নিৰ্বাচনত নিয়োজিত বিশেষ সেৱা আৰু সাংবাদিকসকলৰ বাবেও এইবাৰ নিৰ্বাচনত পোষ্টেল বেলটৰ ব্যৱস্থা কৰা হৈছে ৷ বেলটৰ প্ৰয়োজনীয় প্ৰ-পত্ৰ জিলা নিৰ্বাচনী বিষয়াৰ কাৰ্যালয়ত উপলব্ধ হ’ব ৷
লগতে পঢ়ক: নিৰ্বাচনী প্ৰচাৰৰ দৌৰত আন্তঃৰাষ্ট্ৰীয় আগৰ ব্যৱসায়ী
