মনমোহন সিঙৰ বিৰুদ্ধে সৰৱ হিমন্ত বিশ্ব

মনমোহন সিঙে অসমৰ পৰা প্ৰতিনিধিত্ব কৰা পাচতো ড0 ভূপেন হাজৰিকাক ভাৰত ৰত্ন প্ৰদান কৰিব নোৱৰা বুলি সমালোচনা কৰাৰ উপৰি এই সন্মান প্ৰদান কৰিবলৈ কেৱল বিজেপিৰ দিনতে সম্ভৱ হয় বুলি মন্তব্য কৰে হিমন্ত বিশ্ব শৰ্মাই ৷

শোণিতপুৰ, 29 মাৰ্চঃ তেজপুৰত প্ৰাক্তন প্ৰধানমন্ত্ৰী ড0 মনমোহন সিঙক তীব্ৰ সমালোচনা মন্ত্ৰী হিমন্ত বিশ্ব শৰ্মাৰ ৷ শুকুৰবাৰে তেজপুৰ লোকসভা সমষ্টিৰ বিজেপিৰ প্ৰাৰ্থী পল্লৱ লোচন দাসৰ হৈ নিৰ্বাচনী প্ৰচাৰ চলাই কংগ্ৰেছ দলৰ লগতে প্ৰাক্তন প্ৰধানমন্ত্ৰীগৰাকীক সমালোচনা কৰে মন্ত্ৰী শৰ্মাই ৷ মনমোহন সিঙে অসমৰ পৰা প্ৰতিনিধিত্ব কৰা পাচতো ড0 ভূপেন হাজৰিকাক ভাৰত ৰত্ন প্ৰদান কৰিব নোৱাৰা বুলি সমালোচনা কৰাৰ উপৰিও, এই সন্মান প্ৰদান কৰিবলৈ কেৱল বিজেপিৰ দিনতে সম্ভৱ হয় বুলি মন্তব্য কৰে হিমন্তই ৷

আনহাতে, আগন্তুক নিৰ্বাচনৰ প্ৰাৰ্থী পল্লৱ লোচন দাস চাহ বাগিচাৰ থলুৱা লোক বুলি মন্তব্য কৰি কেৱল তেওঁৰ কাৰণে বৰ্তমান সকলো চাব শ্ৰমিকে নিজৰ প্ৰাপ্য পাবলৈ সক্ষম হৈছে বুলি মন ব্যক্ত কৰে অসম চৰকাৰৰ স্বাস্থ্য, বিত্ত আৰু গড়কাপ্তানী মন্ত্ৰী গৰাকীয়ে ৷