তেজপুৰ,১৮ ফেব্ৰুৱাৰী: কাজিৰঙা ৰাষ্ট্ৰীয় উদ্যানত শোকাবহ ঘটনা সংঘটিত । ৰাষ্ট্ৰীয় উদ্যানখনত পুনৰ গঁড়ৰ আক্ৰমণত মৃত্যু হয় এজন বনকৰ্মীৰ । ৰাষ্ট্ৰীয় উদ্যান কৰ্তৃপক্ষই জনোৱা মতে, বুধবাৰে এজনী মাইকী গঁড়ৰ আক্ৰমণত টিপু চৰণ চাহু নামৰ বন কৰ্মীজনৰ মৃত্যু ঘটে ।
উদ্যানখনৰ ভিতৰত আন দুজন বনকৰ্মীৰ সৈতে কৰ্তব্যৰত অৱস্থাত থকা বনকৰ্মী গৰাকীক হঠাতে গঁড়টোৱে আক্ৰমণ কৰে । বাকী দুজন বনকৰ্মী কথমপি ৰক্ষা পৰে, যদিও টিপু চৰণ গুৰুতৰভাৱে আহত হয় । পৰৱৰ্তী সময়ত স্থানীয় চিকিৎসালয়ত টিপুক ভৰ্তি কৰোৱা হয় যদিও চিকিৎসকে মৃত ঘোষণা কৰে ৷
বুকাবিল এন্টি পশ্চিঙ কেম্পৰ সমীপত সংঘটিত হৈছিল এই ঘটনাটো । উল্লেখ্য যে, ইয়াৰ পূৰ্বেও ৰাষ্ট্ৰীয় উদ্যানৰ ভিতৰত এগৰাকী বনকৰ্মীৰ গঁড়ৰ আক্ৰমণত মৃত্যু হৈছিল ।
