তেজপুৰ, ৯ নৱেম্বৰ : আজি আন্তৰ্জাতিক দত্তক মাহ, ২০২২ (International Adoption Month) উদ্বোধন উপলক্ষে শোণিতপুৰ জিলা উপায়ুক্তৰ কাৰ্যালয়ৰ সন্মিলন কক্ষত এক কাৰ্যসূচী অনুষ্ঠিত হয় । এই বছৰৰ ‘আইনী দত্তক গ্ৰহণ প্ৰক্ৰিয়াৰ প্ৰসাৰ’ বিষয়বস্তু লৈ আয়োজন কৰা আজিৰ অনুষ্ঠানৰ শুভাৰম্ভ কৰে সহকাৰী আয়ুক্ত তথা ভাৰপ্ৰাপ্ত জিলা সমাজ কল্যাণ বিষয়া কবিতা ফাংচোৱে (International Adoption Month at Tezpur) ।
সভাত উপস্থিত থাকে যুটীয়া স্বাস্থ্য সেৱা সঞ্চালক জে আহমেদ, শোণিতপুৰ জিলা শিশু কল্যাণ সমিতিৰ অধ্যক্ষ আভা বৰা আৰু জিলা তথ্য আৰু জনসংযোগ বিষয়া নীনা বৰুৱা (Sonitpur District Child Welfare Committee) । আজিৰ কাৰ্যসূচীত স্বাস্থ্য বিভাগৰ বিষয়া, দত্তক পিতৃ-মাতৃ, সম্ভাৱনীয় দত্তক পিতৃ-মাতৃ আৰু বিভিন্ন বেচৰকাৰী সংগঠন উপস্থিত থাকে ।
আজিৰ এই সভা জিলা শিশু সুৰক্ষা গোটৰ (Child Protection Group) উদ্যোগত আৰু ৰাজ্যিক দত্তক সম্পদ সংস্থাৰ আৰু শোণিতপুৰ জিলাৰ বিশেষ দত্তক সংস্থাৰ সহযোগত আয়োজন কৰা হয় । এই উপলক্ষে শোণিতপুৰ জিলা শিশু কল্যাণ সমিতিৰ অধ্যক্ষগৰাকীয়ে কেন্দ্ৰীয় দত্তক সম্পদ সংস্থাৰ সৈতে জড়িত আইনী পদ্ধতি গ্ৰহণ, অনানুষ্ঠানিক আৰু অবৈধ দত্তক গ্ৰহণ পদ্ধতি, গৃহ জৰীপ প্ৰতিবেদন, অনুমোদিত বিদেশী দত্তক সংস্থাৰ জৰিয়তে আন্তঃৰাষ্ট্ৰীয় গ্ৰহণ ইত্যাদি সম্পৰ্কে বিস্তৃত বিষয়ৰ ওপৰত আলোচনা কৰে ।
তেওঁ লগতে চৰকাৰী নিয়ম অনুসৰি কেনেধৰণৰ সন্তানক দত্তক হিচাপে পৰিগণিত হয় সেই বিষয়েও কয় । বিশেষকৈ সম্ভাৱ্য দত্তক পিতৃ-মাতৃ শাৰীৰিক, মানসিক আৰু আৱেগিকভাৱে সুস্থিৰ, আৰ্থিকভাৱে সক্ষম আৰু জীৱনলৈ ভাবুকি কঢ়িয়াই অনা কোনো ধৰণৰ চিকিৎসাজনিত অৱস্থা থাকিব নালাগিব বুলি উল্লেখ কৰে ।
যিকোনো সম্ভাৱ্য দত্তক পিতৃ-মাতৃয়ে তেওঁৰ বৈবাহিক অৱস্থা যিয়েই নহওক কিয় আৰু তেওঁৰ জৈৱিক পুত্ৰ বা কন্যা হওক বা নহওক, নিম্নোক্ত বিষয়সমূহৰ অধীনত সন্তান দত্তক ল’ব পাৰে । সেয়া হৈছে দত্তক লোৱাৰ বাবে দুয়োগৰাকীৰ পত্নীৰ সন্মতিৰ প্ৰয়োজন, বিবাহিত দম্পতিৰ ক্ষেত্ৰত; এগৰাকী অকলশৰীয়া মহিলাই যিকোনো লিংগৰ সন্তান দত্তক হিচাপে ল’ব পাৰে, এজন পুৰুষে কন্যা সন্তান দত্তক লোৱাৰ যোগ্য নহ’ব, দম্পতিৰ কমেও দুবছৰীয়া সুস্থিৰ বৈবাহিক সম্পৰ্ক নথকালৈকে কোনো সন্তান দম্পতিক দত্তক হিচাপে দিয়া নহয় বুলি তেওঁ জানিবলৈ দিয়ে ।
লগতে পঢ়ক :Assam Cabinet Decision: নতুনকৈ ৫৮ লাখ স্মাৰ্ট মিটাৰ বহুৱাই বিজুলী বিলৰ সমস্যা সমাধানৰ চিন্তা
