ৰঙাপৰা, 15 জুলাই: শোণিতপুৰ জিলাৰ ৰঙাপৰা ৰেলৱে জংচনৰ সমীপত থকা ৰে’লৱে ভূমিত উচ্ছেদ অভিযান চলালে ৰে’লৱে আৰক্ষীয়ে (Eviction drive at Rangapara)। উন্নয়নৰ দোহাই দি ৰে’লৱে বিভাগে জংচনটোলৈ যোৱা মূল পথচোৱাৰ দুয়োকাষে থকা ব্যৱসায় প্ৰতিষ্ঠানসমূহ উচ্ছেদ কৰাত ব্যৱসায়ী সকলৰ মাজত হাহাকাৰৰ সৃষ্টি হয় । বিশাল নিৰাপত্তা বাহিনী লগত লৈ ৰে’লৱে বিভাগে এক্সভেটৰেৰে 42 খনকৈ দোকানত উচ্ছেদ চলায় (Railway eviction at Rangapara)।
2019 চনত উৰণীয়া সেঁতু নিৰ্মাণৰ নামত জিলা প্ৰশাসনে কেইবাখনো দোকান উচ্ছেদ কৰাৰ পাছত পুনৰ ৰেলৱে বিভাগে দোকান উচ্ছেদ চলোৱাত চহৰখনত ক্ৰমান্বয়ে ব্যৱসায়ৰ পৰিসৰ হ্ৰাস পায় (Rangapara evicton drive)। সৰু পাণ দোকান, চাহ-ভাতৰ হোটেল, কিতাপৰ বিপনী, মোবাইলৰ বিপনী, ফাৰ্মাচী আদি দোকান সমূহত উচ্ছেদ চলোৱাত ব্যৱসায়ীসকলে কেনেদৰে পৰিয়াল পোহপাল দিব তাকে লৈ পুনৰ চিন্তিত হৈ পৰিছে ।
ৰঙাপৰা চহৰত দুবাৰকৈ দোকান সমূহ উচ্ছেদ চলোৱাত বাণিজ্য নগৰীখ্যাত ৰঙাপৰাত সচেতন ৰাইজৰ মাজত প্ৰতিক্ৰিয়াৰ সৃষ্টি হৈছে ।
লগতে পঢ়ক : Multilevel automated parking: ধোঁৱাচাঙত মহানগৰীৰ বহুখলপীয়া স্বয়ংক্ৰিয় গাড়ী পাৰ্কিং ব্যৱস্থা
