তেজপুৰ,২৪ অক্টোবৰঃ শোণিতপুৰত শেহতীয়াকৈ ভয়াবহ ভাৱে বৃদ্ধি পাইছে ড্ৰাগছ আসক্তৰ সংখ্যা। ড্ৰাগছৰ গ্ৰাসত পৰিছে বিশেষকৈ স্কুল আৰু মহাবিদ্যালয়ৰ ছাত্ৰ ।
শোণিতপুৰ আৰক্ষীয়ে শালনিবাৰী,মাজগাওঁ আৰু নগাঁৱৰ চুলুং অঞ্চলৰ পৰা ছাত্ৰকে ধৰি ১৩ টাকৈ ড্ৰাগছ সেৱনকাৰী আৰু সৰবৰাহকাৰী আটক কৰে । ড্ৰাগছ ব্যবসায় চলাই অহা আব্দুল মালেক নামৰ এজন লোককো গ্ৰেপ্তাৰ কৰে। এই ড্ৰাগছ সৰবৰাহকাৰী কেইজনৰ পৰা ১৩ টা ড্ৰাগছ কন্টেইনাৰ, চাৰিটা চিৰিঞ্জ আৰু নগদ ধন সহ ১৭টা ম’বাইল জব্দ কৰে ৷
উল্লেখযোগ্য যে, নগাঁও জিলাৰ মুক্তাব আলি নামৰ কুখ্যাত ড্ৰাগছ ব্যৱসায়ীজনে চুলুঙৰ আব্দুল মালেকক বিক্ৰী কৰিবলৈ যোগান ধৰে ড্ৰাগছ । তেজপুৰৰ পৰা প্ৰতিদিনে ৫/৬জন যুৱকে চুলুঙৰ আব্দুল মালেকৰ পৰা ড্ৰাগছ সংগ্ৰহ কৰি তেজপুৰৰ বহু আধ্যৱন্ত ঘৰৰ যুৱক-যুৱতীক ড্ৰাগছ বিক্ৰী কৰে। লক্ষ্যনীয়ভাৱে আৰক্ষীয়ে গ্ৰেপ্তাৰ কৰা 13 জন যুৱকৰ অধিকাংশই শিক্ষাৰ্থী। এনে পৰিপেক্ষিতত নিজৰ সন্তানৰ প্ৰতি কঠোৰভাৱে চকু দিবলৈ অভিভাৱকক আহ্বান জনাইছে শোণিতপুৰ আৰক্ষীয়ে ৷
লগতে পঢ়কঃ মুম্বাইত দেহ ব্যৱসায় চক্ৰ উৎখাতঃ তিনি গৰাকী যুৱতী উদ্ধাৰ
