তেজপুৰ, ১৯ মে': সমগ্ৰ ৰাজ্যৰ লগতে শোণিতপুৰ জিলাতো কৰ'ণা মহামাৰীৰ সংক্ৰমণ বৃদ্ধি পাইছে । কৰ'ণাৰ বৰ্ধিত সংক্ৰমণৰ প্ৰতি লক্ষ্য ৰাখি তেজপুৰ আৰক্ষীয়ে এক সজাগতামূলক পদক্ষেপ গ্ৰহণ কৰিছে ।
তেজপুৰত আৰক্ষীৰ ক'ভিড সম্পৰ্কীয় সজাগতা অভিযান
তেজপুৰ সদৰ আৰক্ষীৰ অধীনত সকলো থানাৰ এলেকাত আৰক্ষীয়ে বিতৰণ কৰিছে সজাগতাৰ লিফ্টলেট । তেজপুৰ চহৰৰ বৰঘুলা চাৰিআলিত বজাৰলৈ অহা সকলো লোকক একোখনকৈ পত্ৰ বিতৰণ কৰি নিজৰ লগতে আন দহোজনকো সজাগতা বৃদ্ধি কৰিবলৈ আহ্বান জনাইছে । তেজপুৰ, মিচন চাৰিআলি, বৰঘাত, চানমাৰি আৰু বেবেজিয়া আৰক্ষীৰ অধীনত বুধবাৰে এই সজাগতামূলক ব্যৱস্থা গ্ৰহণ কৰে ।
