তেজপুৰ, ২৯ এপ্ৰিল: তেজপুৰ লোকসভা সমষ্টিৰ শোণিতপুৰৰ জিলাৰ পাঁচটা বিধানসভা সমষ্টিৰ অন্তৰ্গত দৰং মহাবিদ্যালয়ত থকা ষ্ট্ৰং ৰূমত উপস্থিত তেজপুৰ লোকসভা সমষ্টিৰ কংগ্ৰেছৰ প্ৰাৰ্থী এম জি ভি কে ভানু । সোমবাৰে হঠাৎ ষ্ট্ৰং ৰূমত উপস্থিত হয় ভানু ।
ই ভি এম সমূহ সুৰক্ষিত ভাৱে আছে নে নাই ইয়াৰে অনুসন্ধান চলালে ভানুৱে । কাৰণ দেওবাৰে নিশা তেজপুৰৰ পৰা ২০০০ টা বেলট ইউনিট নিয়া হৈছিল গুৱাহাটীৰ আমিনগাঁৱলৈ ৷ বেলট ইউনিট সমূহ প্ৰকৃততে ব্যৱহাৰ কৰা নে নকৰা ? আনহাতে গুৱাহাটীলৈ নিয়া বেলট ইউনিট সমূহ কিয় ব্যক্তিগত গুডামত ৰখা হ’ল । এনে বিভিন্ন প্ৰশ্নৰ উত্তৰ বিচাৰি তেজপুৰ লোকসভা সমষ্টিৰ ৰিটাৰ্ণিং বিষয়াৰ সৈতে এই সন্দৰ্ভত কথা পাতিলে ভানুৱে ৷ অৱশ্যে নিৰ্বাচন আয়োগৰ ওচৰত এই সমগ্ৰ ঘটনাৰ তদন্ত দাবী কৰিছে কংগ্ৰেছৰ প্ৰাৰ্থী ভানুৱে ।
লগতে পঢ়কঃ চৰকাৰী আঁচনিৰ পৰা বহু নিলগত কৰিমগঞ্জৰ এখন গাঁও
ইপিনে এই সন্দৰ্ভত জিলা ৰিটাৰ্ণিং বিষয়া তথা শোণিতপুৰ জিলাৰ উপায়ুক্ত নৰসিং পবাৰে ভানুৰ সন্দেহ সন্দৰ্ভত এক স্পষ্টীকৰণ দাঙি ধৰি গুৱাহাটী লৈ পঠিওৱা বেলট ইউনিট সমূহ ব্যৱহাৰ নকৰা বুলি স্পষ্ট কৰে ৷
