বিজেপিৰ কেন্দ্ৰীয় নেতৃত্বই ৰাজনৈতিকভাৱে হত্যা কৰিলে হিমন্তকঃ মহেন্দ্ৰ ভূঞা

মন্ত্ৰী হিমন্ত বিশ্ব শৰ্মাই মুখ্যমন্ত্ৰী হোৱাৰ আশাতে বিজেপিত যোগদান কৰা বুলি মত ব্যক্ত কৰাৰ লগতে তেজপুৰত নিৰ্দলীয় প্ৰাৰ্থী জিয়াবুৰ ৰহমানক নিৰ্বাচনত থিয় কৰাই কংগ্ৰেছৰ ভোট ভাঙি বিজেপিক সহায় কৰা বুলিও অভিযোগ উত্থাপন কৰে মহেন্দ্ৰ ভূঞাই

শোণিতপুৰ, 6 এপ্ৰিলঃ "মন্ত্ৰী হিমন্ত বিশ্ব শৰ্মাক বিজেপিৰ কেন্দ্ৰীয় নেতৃত্বই ৰাজনৈতিকভাৱে হত্যা কৰিলে ৷" এই মন্তব্য নেশ্বনেলিষ্ট কংগ্ৰেছ পাৰ্টীৰ তেজপুৰ লোকসভা সমষ্টিৰ প্ৰাৰ্থী মহেন্দ্ৰ ভূঞাৰ ৷ শনিবাৰে তেজপুৰত সম্বোধন কৰা এক সংবাদমেলত এনেদৰে মন্তব্য কৰে প্ৰাৰ্থী গৰাকীয়ে ৷ লগতে মন্ত্ৰী হিমন্ত বিশ্ব শৰ্মাই মুখ্যমন্ত্ৰী হোৱাৰ আশাতে বিজেপিত যোগদান কৰা বুলি মত ব্যক্ত কৰাৰ লগতে তেজপুৰত নিৰ্দলীয় প্ৰাৰ্থী জিয়াবুৰ ৰহমানক নিৰ্বাচনত থিয় কৰাই কংগ্ৰেছৰ ভোট ভাঙি বিজেপিক সহায় কৰা বুলিও অভিযোগ উত্থাপন কৰে মহেন্দ্ৰ ভূঞাই ৷ আনহাতে, প্ৰাৰ্থী গৰাকীৰ প্ৰধান প্ৰতিদ্বন্দী ভোটাৰ্ছ পাৰ্টী ইণ্টাৰনেশ্বনেল,কংগ্ৰেছ আৰু বিজেপি তেওঁৰ কোনো ফেক্টৰ নহয় বুলিও মন্তব্য কৰে ৷