শিল্পী পংকজ বৰদলৈ, ডঃ নাথমল তিবিৱালালৈ প্ৰণৱ সিংহ' বঁটা

শিল্পী পংকজ বৰদলৈ আৰু জ্যেষ্ঠ সাংবাদিক ড0 নাথমল তিবিৱালাক সন্মানিত কৰা হয় এই বঁটাৰে ৷ শোণিতপুৰ জাৰ্নেলিষ্ট ইউনিয়নে বিগত সময়চোৱাত 1 মে' দিনটোত প্ৰয়াত জ্যেষ্ঠ সাংবাদিক "প্ৰণৱ সিংহৰ" নামত দুজন ব্যক্তিক সন্মানিত কৰি আহিছে ৷

শোণিতপুৰ, 1 মেঃ শিল্পী পংকজ বৰদললৈ 'প্ৰণৱ সিংহ' বঁটা প্ৰদান ৷ শোণিতপুৰ জাৰ্নেলিষ্ট ইউনিয়নে প্ৰদান কৰে এই বঁটা ৷ উত্তৰ অসমৰ সাংবাদিকতাৰ বাটকটীয়া তথা শোণিতপুৰ সংবাদ মাধ্যমৰ পিতামহ স্বৰূপ শোণিতপুৰ জাৰ্নেলিষ্ট ইউনিয়নৰ প্ৰতিস্থাপক সভাপতি প্ৰয়াত প্ৰণৱ সিংহৰ পঞ্চম মৃত্যু বাৰ্ষিকীত প্ৰদান কৰা হয় 'প্ৰণৱ সিংহ বঁটা' ৷ শিল্পী পংকজ বৰদলৈ আৰু জ্যেষ্ঠ সাংবাদিক ডঃ নাথমল তিবিৱালাক সন্মানিত কৰা হয় এই বঁটাৰে ৷ উল্লেখ্য যে, শোণিতপুৰ জাৰ্নেলিষ্ট ইউনিয়নে বিগত সময়চোৱাত 1 মে' দিনটোত প্ৰয়াত জ্যেষ্ঠ সাংবাদিক "প্ৰণৱ সিংহৰ" নামত দুজন ব্যক্তিক সন্মানিত কৰি আহিছে ।

আনহাতে, স্মৃতি চাৰণ অনুষ্ঠানত বন্তি প্ৰজলনেৰে শুভ আৰম্ভণী কৰে শোণিতপুৰ জিলাৰ উপায়ুক্ত নৰসিংহ পাৱাৰে । তাৰোপৰি অনুষ্ঠান উপস্থিত থাকে বিশিষ্ট শিক্ষাবিদ ডঃ প্ৰাণজিৎ হাজৰিকা ৷ শিক্ষাবিদ গৰাকীয়ে ভাষণ প্ৰসংগত সংবাদজগত আৰু সাংবাদিকতাৰ ওপৰত মন্তব্য আগবঢ়োৱাৰ উপৰিও,সংবাদ মাধ্যমৰ প্ৰতি প্ৰণৱ সিংহৰ অৰিহণাৰ বিষয়ে অৱলোকণ কৰে৷