তেজপুৰ, 7 জুলাই : ৰাজ্যত প্ৰলয়ংকাৰী বানৰ পিছত এতিয়া আৰম্ভ হৈছে ন ন মাৰাত্মক ব্যাধিৰ । বানৰ পিছত বান অধ্যুষিত অঞ্চলত চানি ধৰিছে মাৰাত্মক জাপানিছ এনকেফেলাইটিছ আদি ৰোগে (Japanese Encephalitis outbreak) । অসমৰ কেইবাখনো জিলাত এই ৰোগ চিনাক্তকৰণ হোৱাৰ পিছত বৰ্তমান বহু ৰোগী চিকিৎসাধীন হৈ আছে বিভিন্ন চিকিৎসালয়ত (Five districts of Assam have been diagnosed with Japanese encephalitis) ৷
শোণিতপুৰ জিলাত চৰকাৰী তথা অনুসৰি বৰ্তমানলৈকে 4 জন লোক এই ৰোগত আক্ৰান্ত হৈছে । ইয়াৰ ভিতৰত তেজপুৰ চিকিৎসা মহাবিদ্যালয়ৰ হাস্পতালত চিকিৎসাধীন হৈ আছে দুগৰাকী ৷ লগতে তেজপুৰৰ ব্যাপ্তিষ্ট খ্ৰীষ্টান মিছনেৰী হাস্পতালত এটি শিশু চিকিৎসাধীন হৈ থকাৰ লগতে জিলাখনৰ এগৰাকী ৰোগীক উন্নত চিকিৎসাৰ বাবে গুৱাহাটী মেডিকেল কলেজ হাস্পতাললৈ প্ৰেৰণ কৰা হৈছে ৷
অৱশ্যে তেজপুৰ চিকিৎসা মহাবিদ্যালয় হাস্পতালৰ 2 গৰাকী ৰোগীয়ে ইতিমধ্যে আৰোগ্য লাভ কৰিছে বুলি জানিব পৰা গৈছে ।
লগতে পঢ়ক : কৰ’ণাৰ পাচত এইবাৰ মৃত্যুদূতৰ ৰূপত জাপানীজ এনকেফেলাইটিছ
তেজপুৰ ব্যাপ্তিষ্ট মিছনেৰী হাস্পতালত চিকিৎসাধীন হৈ থকা শিশুৰ গৰাকীৰ উপৰিও আন দুজন লোক জাপানিছ এনকেফেলাইটিছ ৰোগত আক্ৰান্ত হৈছিল ৷ অৱশ্যে পৰৱৰ্তী সময়ত দুয়োগৰাকী ৰোগী মেলেৰিয়াতহে আক্ৰন্ত বুলি জানিব পৰা গৈছে । আই ডি এছ পিৰ তথ্য মতে, অসমত জাপানিছ এনকেফেলাইটিছ ৰোগত আক্ৰান্ত হোৱা জিলাসমূহ হৈছে বঙাইগাঁও, মৰিগাঁও, গোলাঘাট, ওদালগুৰি আৰু শোণিতপুৰ (Japanese Encephalitis outbreak in Assam) ।
ইয়াৰ ভিতৰত বঙাইগাঁও আৰু শোণিতপুৰ জিলাত 4 গৰাকীকৈ লোক আক্ৰান্ত হৈছে ৷ বাকী তিনিখন জিলাত 1 জনকৈ লোক আক্ৰান্ত হোৱাৰ তথ্য লাভ কৰা হৈছে ৷ সংবাদ মাধ্যমৰ আগত এই কথা সদৰি কৰে তেজপুৰ ব্যাপ্তিষ্ট খ্ৰীষ্টান মিছনেৰী হাস্পতালৰ চিকিৎসক শিশু বিশেষজ্ঞ ডাঃ শ্বেফিনি বেৰীলে (Dr Shafini Beryl) ।
লগতে পঢ়ক : বানৰ পাচত ৰোগৰ সংহাৰ: ডায়েৰিয়া-জাপানীজ এনকেফেলাইটিজৰ প্ৰাদুৰ্ভাৱত আতংকিত নগাঁওবাসী
