তেজপুৰ, ৩ জুলাই: পেট্ৰ'ল-ডিজেলৰ লগতে অত্যাৱশ্যকীয় সামগ্ৰীৰ মূল্য বৃদ্ধিৰ বাবে সমগ্ৰ অসমৰ লগতে শুকুৰবাৰে তেজপুৰতো সাব্যস্ত কৰা হয় প্ৰতিবাদ । শোণিতপুৰ জিলা ছাত্ৰ সন্থাই সাব্যস্ত কৰে উক্ত প্ৰতিবাদ । প্ৰতিবাদী কাৰ্যসূচীৰূপে তেজপুৰ চহৰৰ মাজমজিয়াৰে এক শোভাযাত্ৰা উলিওৱা হয় আৰু কেন্দ্ৰীয় পেট্ৰ'লিয়াম মন্ত্ৰী ধৰ্মেন্দ্ৰ প্ৰধান আৰু অসম চৰকাৰৰ যোগান মন্ত্ৰী ফণী ভূষণ চৌধুৰীৰ প্ৰতিকৃতি দাহ কৰা হয় । এই প্ৰতিবাদী কাৰ্যসূচীত আছুৰ শোণিতপুৰ জিলাৰ সকলো আঞ্চলিক আৰু মহকুমাৰ সদস্যই অংশগ্ৰহণ কৰে ।
উল্লেখ্য যে, দেশত কৰ'ণা ভাইৰাছৰ সংক্ৰমণ ৰোধৰ বাবে জাৰি কৰা লক ডাউনৰ ফলত অৰ্থনীতি তচনচ হৈ পৰিছিল । বন্ধ হৈ পৰিছিল ৰাজহ সংগ্ৰহ । সেয়ে এই ঘাটি পূৰণত কিছু সকাহ পাবলৈ চৰকাৰে পেট্ৰ'ল- ডিজেল জাতীয় ইন্ধনৰ ক্ষেত্ৰত অধিক কৰ আৰোপৰ সিদ্ধান্ত লৈছিল । কিন্তু চৰকাৰৰ এই সিদ্ধান্তৰ বাবে সকলো সামগ্ৰীৰে পৰিবহণ ব্যয় অধিক হৈ পৰে । যাৰ বাবে অত্যাৱশ্যকীয় সামগ্ৰীৰ মূল্য বৃদ্ধি পালে । লক ডাউনে অৰ্থনৈতিকভাৱে জুৰুৱাকৰা সাধাৰণ জনতাই ইয়াৰ ফলত অধিক দুৰ্ভোগ ভুগিবলগীয়া হৈছে ।
লগতে পঢ়ক : বান আৰু বন্যপ্ৰাণীৰ সংকট সম্পৰ্কে বনমন্ত্ৰী পৰিমল শুক্লবৈদ্যৰ সৈতে আছুতীয়া
