আমগুৰি,১৮ নৱেম্বৰ: আজি যুৱ প্ৰজন্মৰ হাৰ্টথ্ৰৱ জুবিন গাৰ্গৰ 48 সংখ্যক ওপজা দিন ৷ ওপজা দিনৰ লগত সংগতি ৰাখি ফেন ক্লাৱসমূহে আয়োজন কৰিছে বিভিন্ন অনুষ্ঠান ৷ শিৱসাগৰ জিলাৰ নামতিত জুবিন ফেন ক্লাৱ আৰু সহায় ৰক্তদান অসমৰ 48 ইউনিট ৰক্তদানেৰে জুবিন গাৰ্গৰ জন্মদিন উদযাপন কৰে ৷
শিৱসাগৰ জুবিন ফেন ক্লাৱ,জুবিন ফেন ক্লাৱ শ্বহীদ পিয়লি ফুকন কলেজ গোট আৰু সহায় ৰক্তদান অসমৰ উদ্যোগত শ্বহীদ পিয়লি ফুকন কলেজত ৰক্তদানেৰে উদযাপন কৰে জুবিন গাৰ্গৰ 48 সংখ্যক জন্মদিন। বৃক্ষ ৰোপন আৰু কেক কাটি উদযাপন কৰা জুবিন গাৰ্গৰ জন্মদিনত বিশিষ্ট অতিথি হিচাপে উপস্থিত থাকে শ্বহীদ পিয়লি ফুকন মহাবিদ্যালয়ৰ অধ্যক্ষ ড° ধ্ৰুৱজ্যোতি নাথ,নামতি আৰক্ষী থানাৰ ভাৰপ্ৰাপ্ত আৰক্ষী বিষয়া দোলেন্দ্ৰ চেতিয়া,প্ৰৱক্তা উমাকান্ত হাজৰিকা,সহায় ৰক্তদান অসমৰ কেন্দ্ৰীয় প্ৰচাৰ সম্পাদক নিয়ৰ ৰাজ ৰিম্পুল দেউৰীকে ধৰি বহু গণ্য মান্য ব্যক্তি।
লগতে পঢ়ক: সাংবাদিক নিগ্ৰহৰ বিৰুদ্ধে মুখ্যমন্ত্ৰীলৈ স্মাৰক পত্ৰ প্ৰদান
