শিৱসাগৰ,7 জানুৱাৰী : ২০১২ চনৰ পৰা বেতন বঞ্চিত ১৫৩০ গৰাকী প্ৰাথমিক শিক্ষকে ২১ জানুৱাৰীত ৰাষ্ট্ৰপতিলৈ প্ৰেৰণ কৰিব স্বেচ্ছা মৃত্যুৰ আবেদন ৷ ২০ জানুৱাৰীৰ ভিতৰত চৰকাৰে বেতন বঞ্চিত শিক্ষকসকলৰ বাবে কোনো সিদ্ধান্ত গ্ৰহণ নকৰিলে শিক্ষক সমাজে সাব্যস্ত কৰিব প্ৰতিবাদ ৷ মঙলবাৰে শিৱসাগৰত সদৌ অসম বেতন বঞ্চিত কৰ্মৰত শিক্ষক সন্থাই এখন সংবাদমেল সম্বোধন কৰি চৰকাৰক 20 জানুৱাৰীলৈ সময়সীমা বান্ধি দি এইদৰে মন্তব্য কৰে ৷
উল্লেখ্য যে, 2012 চনৰ পৰাই ১৫৩০ গৰাকী প্ৰাথমিক শিক্ষকে বঞ্চিত হৈ আছে বেতনৰ পৰা ৷ বিগত বিধানসভা নিৰ্বাচনৰ পূৰ্বে ৰাজ্যত বিজেপি চৰকাৰ হলে শিক্ষকসকলৰ চাকৰি নিয়মীয়াকৰণৰ লগতে বেতনসমূহ আদায় দিব বুলি বিজেপি চৰকাৰে আশ্বাস দিছিল ,যদিও আজি পৰ্যন্ত চৰকাৰে শিক্ষকসকলক আদায় নিদিলে প্ৰাপ্ত ধন ৷ যাৰ বাবে শিক্ষকসলক ক্ষোভিত হৈ 20 জানুৱাৰীৰ ভিতৰত চৰকাৰক স্থিতি স্পষ্টি কৰিবলৈ সময়সীমা বান্ধি দিয়ে ৷ অন্যথা ৰাজ্যত ভয়াবহ আন্দোলন গঢ়ি তোলাৰ লগতে ২১ জানুৱাৰীত ভাৰতৰ ৰাষ্ট্ৰপতিলৈ স্বেচ্ছা মৃত্যু বিচাৰি আবেদন জনাব বুলি সংবাদমেলত উল্লেখ কৰে শিক্ষক সন্থাই ৷ ইফালে, শিৱসাগৰৰ বহু কেইখন নিৰ্বাচনী সভাত মন্ত্ৰী শিক্ষকসকলৰ সকলো সমস্যা সমাধানৰ প্ৰতিশ্ৰুতি দিয়া ড৹ হিমন্ত বিশ্ব শৰ্মাই বৰ্তমানলৈ শিক্ষকসকলৰ বাবে কোনো ব্যৱস্থা গ্ৰহণ নকৰিলে বুলি অভিযোগ উত্থাপন কৰে ৷
অন্য এক খবৰৰ বাবে : ৰাজ্যত ৩ লাখ ১২ হাজাৰ ভূৱা শিক্ষাৰ্থী চিনাক্ত
আনহাতে, ২০১২ চনৰ মাৰ্চ মাহৰ পৰা বেতন লাভ নকৰাৰ বাবে শিক্ষক সমাজে বহু সমস্যাৰ সন্মুখীন হয় ৷ ধনৰ অভাৱত চিকিৎসা কৰিব নোৱাৰি বহু শিক্ষকৰ মৃত্যু হয় বুলিও সংবাদমেলত মন্তব্য কৰে বেতন বঞ্চিত শিক্ষকসকলে ৷ বহু শিক্ষকে পৰিয়াল পোহপাল দিয়াৰ বাবে দিন হাজিৰা কৰিবলগীয়া হয় ৷ শিক্ষকসকলৰ এনে পৰিস্থিতিৰ বাবে শিক্ষক সমাজে ৰাষ্ট্ৰপতিলৈ স্বেচ্ছা মৃত্যুৰ আবেদন প্ৰেৰণ কৰিব বুলি সিদ্ধান্ত লয় ৷
