শিৱসাগৰ, 22 জানুৱাৰী : শিৱসাগৰত শুকুৰবাৰে সদৌ অসম ছাত্র সন্থাই ৰূপায়ন কৰে প্ৰতিবাদী কাৰ্যসূচী । সদৌ অসম ছাত্ৰ সন্থাৰ কেন্দ্ৰীয় সাধাৰণ সম্পাদক শংকৰ জ্যোতি বৰুৱাৰ উপস্থিতিত শিৱসাগৰত জোঁৰ লৈ সমদল বাহিৰ কৰে আছুৱে । 'কা', EAI ২০২০ বাতিল, অসম চুক্তিৰ ৬ নং দফা ৰূপায়ন আৰু অসম চুক্তি অনুসৰি বিদেশী নাগৰিক সমস্যা সমাধান কৰাৰ দাবীত শিৱসাগৰ নগৰৰ বৰ্ডিং খেল পথাৰৰ পৰা এক প্ৰতিবাদী জোঁৰ সমদল বাহিৰ কৰিছিল শিৱসাগৰ জিলা ছাত্র সন্থাই ।
কিন্তু প্ৰধানমন্ত্ৰী নৰেন্দ্ৰ মোডীৰ কাইলৈ শিৱসাগৰ ভ্ৰমণৰ প্ৰতি লক্ষ্য ৰাখি জিলা আৰক্ষী প্ৰশাসনে কঠোৰ নিৰাপত্তা ব্যৱস্থা গঢ়ি তুলি জোঁৰ সমদল বাহিৰ কৰাত বাধা প্ৰদান কৰে । বৰ্ডিং খেলপথাৰৰ সমুখত আৰক্ষীয়ে প্ৰতিবাদী সমদলক শক্তি প্ৰয়োগ কৰি আগবাঢ়ি যোৱাত বাধা প্ৰদান কৰাত প্ৰতিবাদী সকলে ৰাজপথৰ ওপৰত বহি প্ৰতিবাদ সাব্যস্ত কৰে । যাৰ বাবে বহু সময়ৰ বাবে যাতায়ত স্তব্ধ হৈ পৰে।
প্ৰতিবাদকাৰী আৰু আৰক্ষীৰ মাজত উক্ত সময়ত হতাহতিৰ দৰে পৰিস্থিতিৰো সৃষ্টি হয় । আছুৰ নেতৃবৰ্গই আৰক্ষীৰ এনে ভূমিকাক তীব্ৰ সমালোচনা কৰি ভাৰতৰ প্ৰধানমন্ত্ৰীক ভয়াতুৰ আখ্যা দিয়ে।
লগতে পঢ়ক: নিৰ্বাচনৰ দিন ওচৰ চপাৰ লগে লগে নামৰূপ সাৰ কাৰখানালৈ মনত পৰিল চৰকাৰৰ !
