গেলেকি তৈলক্ষেত্ৰ ব্যক্তিগতকৰণৰ বিৰোধিতা সদৌ অসম ছাত্ৰ সন্থাৰ

গেলেকি তৈলক্ষেত্ৰ ব্যক্তিগতকৰণৰ বিৰোধিতা সদৌ অসম ছাত্ৰ সন্থাৰ ৷ ২৮ আগষ্টৰ পুৱা ৫ বজাৰ পৰা ১০০ ঘন্টীয়া অ.এন.জি.চি. বন্ধৰ কায্যসূচী ৰূপায়ণ কৰিব শিৱসাগৰ জিলা ছাত্ৰ সন্থাই৷ এক সংবাদ মেলৰ জৰিয়তে এই কথা ষ্পষ্ট কৰে সংগঠনটোৱে

শিৱসাগৰ, 25 আগষ্টঃ ONGCৰ অধীনৰ গেলেকি তৈলক্ষেত্ৰ বিদেশী শ্লাম বাৰজাৰ কোম্পানীক গতাব বিচৰাৰ বিৰুদ্ধে সৰৱ হৈ উঠিছে সদৌ অসম ছাত্ৰ সন্থা । তাৰোপৰি অ.এন.জি.চি.য়ে দীৰ্ঘদিন ধৰি থলুৱা নিবনুৱাৰ স্বাৰ্থ সুৰক্ষিত নকৰা, অসমৰ বানপানীত আর্তজনক সহায় আগবঢ়োৱাৰ পৰা বিৰত থকা ইত্যাদিৰ বিৰুদ্ধেও সৰৱ হ'ল সংগঠনটো। অ.এন.জি.চি. থলুৱা বিৰোধী নীতি আৰু তৈল ক্ষেত্ৰ ব্যক্তিগতকৰণৰ বিৰোধিতাৰে ২৮ আগষ্টৰ পুৱা ৫ বজাৰ পৰা ১০০ ঘন্টীয়া অ.এন.জি.চিৰ বন্ধ ঘোষণা ষ্পষ্ট কৰে আছুৰ সদৌ অসম শিক্ষা সম্পাদক শৰৎ হাজৰিকাই ।

আনহাতে অসম আৰু অসমীয়াৰ বৃহৎ স্বার্থক ভেঙুচালি কৰি অসমৰ আর্থসামাজিক দিশটোত অ এন জি চিৰ অৱদান নগণ্য হোৱাটো অতি দুৰ্ভাগ্যজনক বুলি মন্তব্য কৰে সদৌ শিৱসাগৰ জিলা ছাত্ৰ সন্থাৰ সাধাৰণ সম্পাদক সমীৰণ ফুকনে। উল্লেখ্য যে, এই সংবাদ মেলত উপস্থিত থাকে সদৌ অসম ছাত্ৰ সন্থাৰ উপ সভাপতি মানিক গগৈৰ লগতে আছুৰ বহু কেইগৰাকী সদস্য৷