আমগুৰি,7 অক্টোবৰ: শিৱসাগৰৰ আমগুৰিৰ মিনি ষ্টেডিয়াম নিৰ্মাণত ব্যাপক বিসংগতিৰ অভিযোগ উত্থাপন ৷ ক্ৰীড়া বিকাশৰ বাবে মুখ্যমন্ত্ৰীৰ সপোনৰ আঁচনি ‘ছিগনেচাৰ প্ৰকল্প’ৰ জৰিয়তে ৰাজ্যত নিৰ্মিত হৈছে 33 খনকৈ মিনি ষ্টেডিয়াম । আমগুৰিতো নিৰ্মাণ কৰা হৈছে 10 কোটি টকীয়া ছিগনেচাৰ প্ৰকল্প ৷
কিন্তু আমগুৰিত নিৰ্মীয়মান অৱস্থাত থকা এই ষ্টেডিয়ামখনৰ 50 শতাংশ কাম সম্পূৰ্ণ নোহোৱাকৈ আৰু 4 টাকৈ ফ্লাইড লাইট নিৰ্মাণ নোহোৱাকৈ বিভাগীয় কৰ্তৃপক্ষই প্ৰমাণ পত্ৰ দিয়াক কেন্দ্ৰ কৰি স্থানীয় ৰাইজৰ মাজত সৃষ্টি হৈছে তীব্ৰ প্ৰতিক্ৰিয়াৰ ।
উল্লেখ্য যে,2020 বৰ্ষৰ মাৰ্চ মাহতে সম্পূৰ্ণ কৰিবলগীয়া এই ষ্টেডিয়ামৰ নিৰ্মাণৰ কাম অতি শামুকীয়া গতিৰে আগবঢ়াৰ বাবে ক্ষুব্ধ হৈ পৰিছে আমগুৰিবাসী । আনহাতে,সমষ্টিটোৰ বিধায়ক প্ৰদীপ হাজৰিকাই ষ্টেডিয়ামখনৰ নিৰ্মাণত বিসংগতি হোৱাৰ কথা প্ৰকাশ কৰি শীঘ্ৰেই বিভাগীয় কৰ্তৃপক্ষক ব্যৱস্থা ল’বলৈ আহ্বান জনায় ।
লগতে পঢ়ক: গোলাঘাটত গভীৰ নিদ্ৰাত বিদ্যুৎ বিভাগ
