জয় এশ শতাংশ নিশ্চিতঃ তপন গগৈ

শিৱদ'লত সেৱা লৈ যোৰহাটৰ বিজেপি প্ৰাৰ্থী তপন গগৈৰ ঘোষণা জয় এশ শতাংশ নিশ্চিত

শিৱসাগৰ, 25 মাৰ্চঃযোৰহাটত মনোনয়ন দাখিলৰ পূৰ্বে শিৱসাগৰৰ শিৱদ'লত আঁঠু লৈ নিজৰ বিজয়ৰ বাবে প্ৰাৰ্থনা জনালে যোৰহাট লোকসভাৰ বিজেপি প্ৰাৰ্থী তপন গগৈয়ে ৷ শিৱদ'লত সেৱা লৈ মনোনয়ন দাখিলৰ বাবে যোৰহাটলৈ ৰাওনা হোৱাৰ পূৰ্বে যোৰহাটৰ বিজেপি প্ৰাৰ্থী তপন গগৈয়ে নিজৰ জয় এশ শতাংশ নিশ্চিত বুলি দাবী কৰে ৷

নাগৰিকত্ব সংশোধনী বিধেয়কসম্পৰ্কত সাংবাদিকে কৰা প্ৰশ্নৰ উত্তৰত ফালৰি কাটিনৰেন্দ্ৰ মোদীক পুনৰ প্ৰধানমন্ত্ৰী পদত অধিষ্ঠিত কৰিলেহে দেশৰ উন্নয়ন হ'ব বুলি মন্তব্য কৰে তপন গগৈয়ে৷ নাগৰিকত্ব সংশোধনী বিধেয়কে নিৰ্বাচনত প্ৰভাৱ নেপেলায় বুলিও কয় গগৈয়ে ৷

লক্ষণীয়ভাৱে বিজেপি প্ৰাৰ্থীগৰাকীৰ সৈতে দেখা নগ'ল শিৱসাগৰৰ এজনো বিজেপি বিধায়কক ৷ গগৈক সংগ দিয়েশিৱসাগৰ জিলা বিজেপিৰ সভানেত্ৰী সুৰভি ৰাজকুঁৱৰীৱে ৷