শিৱসাগৰ,24 মাৰ্চ: অখিল গগৈৰ সমৰ্থনত বুধবাৰে শিৱসাগৰৰ ৰাজপথলৈ ওলাই আহিল হাজাৰ হাজাৰ জনতা ৷ কাৰাগাৰৰ পৰাই শিৱসাগৰ সমষ্টিৰ বাবে প্ৰতিদ্বন্দ্বিতা আগবঢ়োৱা অখিল গগৈৰ নিৰ্বাচনী প্ৰচাৰত অংশগ্ৰহণ কৰে গগৈৰ মাতৃৰ লগতে নৰ্মদা বচাও আন্দোলনৰ নেত্ৰী মেধা পাটকাৰে ৷
অখিলৰ সমৰ্থত শিৱসাগৰৰ ৰাজপথত সহস্ৰাধিক জনতা
প্ৰচাৰৰ সময়ত কৃষক নেতা গৰাকীৰ সমৰ্থকসকলে বিভিন্ন শাসক-বিৰোধী শ্ল'গানেৰে উত্তাল কৰি তোলে ৰাজপথ ৷ উল্লেখ্য যে, এই নিৰ্বাচনী প্ৰচাৰত অখিলৰ মাতৃ প্ৰিয়দা গগৈৰ লগতে সন্দীপ পাণ্ডে, মেধা পাটেকাৰ, হাইদৰ হুছেইন, নেকিবুৰ জামান আদিয়ে অংশগ্ৰহণ কৰে ৷
লগতে পঢ়ক: কা ৰ বিৰোধিতাৰে শিৱসাগৰত আছুৰ প্ৰতিবাদ
