শিৱসাগৰ, 17 আগষ্ট: ডিমৌৰ প্ৰথম গৰাকী অনাতাঁৰ শিল্পীলৈ প্ৰদান চৰকাৰৰ এককালীন সাহায্য ৷ অসম চৰকাৰৰ সাংস্কৃতিক সঞ্চালকালয়ৰ সাহায্য ঘোষণাৰ পাচতে অনাতাঁৰ শিল্পী মুকুল খনিকৰক প্ৰদান কৰা হয় চৰকাৰৰ এককালীন সাহায্য ৷ উল্লেখ্য যে, 70 ৰ দশকত ডিব্ৰুগড়ৰ অনাতাঁৰ কেন্দ্ৰত টোকাৰী গীত পৰিবেশন কৰা প্ৰথম গৰাকী শিল্পী মুকুল খনিকৰৰ বৰ্তমান বয়স ৮২ বছৰ ৷ ৰোগশয্যাত থকা শিল্পীগৰাকীয়ে হাতত চেলাইনৰ কেন্দুলা লৈয়ো কিন্তু বাদ দিয়া নাই নিজৰ সাধনা ৷
ইয়াৰ পূৰ্বেও শিল্পী গৰাকীয়ে চৰকাৰৰ পৰা এককালীন সাহায্য লাভ কৰিছিল যদিও, পুনৰ ৫০ হাজাৰ টকাৰ সাহায্য লাভ কৰি তেওঁ আনন্দিত হ'লেও প্ৰকাশ কৰিলে দুখ ৷ নিয়মিত শিল্পী পেঞ্চন লাভ নকৰাৰ বাবে শিল্পী গৰাকীয়ে দুখ প্ৰকাশ কৰে সংবাদ মাধ্যমযোগে ৷ শিল্পী পেঞ্চন লাভ কৰাহেতেন তেওঁ আৰু অধিক সুখী হ'লহেতেন বুলি জানিবলৈ দিয়ে ৷ তেখেতৰ গুণমুগ্ধ সকলেই প্ৰদান ব্যক্ত কৰিলে একেই মত ৷ একে গৰাকী শিল্পীৰ দুবাৰকৈ এককালীন সাহায্য প্ৰদান কৰাতকৈ নিয়মীয়া শিল্পী পেঞ্চন প্ৰদানৰ ব্যৱস্থা কৰাটো অধিক প্ৰয়োজন বুলি মত প্ৰকাশ কৰে নাট্য সন্মিলনৰ শিৱসাগৰ জিলা সমিতিয়ে ৷
লগতে পঢ়ক: ভাওনা সংস্কৃতিৰ সাধক কৃষ্ণপদ কলিতালৈ অসম চৰকাৰৰ এককালীন সাহায্য
