শিৱসাগৰ, 14 মে’: আলফা(স্বা)ত চোৰাংচোৱা কৰাৰ অপৰাধত সংগঠনৰ দুই সদস্যক মৃত্যুদণ্ড প্ৰদান(Death penalty by ULFA I) কৰাৰ লগতে আলফা সদস্য ভাগ্য অসমৰ আত্মহত্যাক কেন্দ্ৰ কৰি আলফা শীৰ্ষ মুৰব্বী পৰেশ বৰুৱাক সমালোচনা কৰি নিষিদ্ধ ঘোষিত সংগঠনটোৰ ৰোষত পৰিছে অসম মন্ত্ৰীসভাৰ সদস্য সঞ্জয় কিষাণ । আলফা সভাপতি পৰেশ বৰুৱাক মিছলীয়া আখ্যা দিয়াত মন্ত্ৰীগৰাকীক উভতি ধৰিছে নিষিদ্ধ ঘোষিত সংগঠনটোৱে ।
সংবাদ মাধ্যমলৈ এক বিবৃতি প্ৰেৰণ কৰি সংগঠনৰ প্ৰচাৰ বিভাগৰ সম্পাদক অৰুণোদয় অসমে মন্ত্ৰীগৰাকীয়ে আগন্তুক ২৪ ঘণ্টাৰ ভিতৰত তেওঁৰ বক্তব্যৰ বাবে ক্ষমা নুখুজিলে ডিব্ৰুগড় আৰু তিনিচুকীয়া জিলাত বিজেপি দলৰ নেতা, মন্ত্ৰী তথা তিনিচুকীয়াৰ বিধায়ক সঞ্জয় কিষাণক নিষিদ্ধ ঘোষণা কৰাৰ ভাবুকি প্ৰদান কৰিছে (Sanjoy Kishan threaten by ULFA I)।
আনহাতে মন্ত্ৰীগৰাকীৰ যিকোনো সমৰ্থনত কোনো দল, সংগঠন অথবা ব্যক্তি ওলাই আহিলে হ'ব পৰা পৰিণামৰ বাবে তেওলোক নিজেই জগৰীয়া হ'ব বুলিও মুকলি হুংকাৰ সংগঠনৰ তৰফৰ পৰা প্ৰদান কৰা হৈছে ।
