মন্ত্ৰী হিমন্ত বিশ্ব শৰ্মাৰ শিৱসাগৰ চিকিৎসালয় পৰিদৰ্শন

আনহাতে কৰ'ণা সংক্ৰমণৰ মাজতে সদ্য ঘোষিত হাইস্কুল শিক্ষান্ত পৰীক্ষাৰ ফলাফলৰ পাছত কি দৰে পৰৱৰ্তী শিক্ষাৰ বাবে নামভৰ্তি কৰা হ'ব সেই সন্দৰ্ভত মন্ত্ৰী গৰাকীয়ে কাইলৈ এক সংবাদ মেলৰ দ্বাৰা সদৰি কৰিব বুলি জানিবলৈ দিয়ে । কভিড আতংকৰ মাজতে সন্তানৰ নামভৰ্তিক লৈ আতংকিত নহ'বলৈ মন্ত্ৰীগৰাকীয়ে আহ্বান জনাইছে ৷

শিৱসাগৰ, 6 জুনঃ শুকুৰবাৰে নিশা শিৱসাগৰ ভ্ৰমণলৈ অহা মন্ত্ৰী হিমন্ত বিশ্ব শৰ্মাই শনিবাৰে শিৱসাগৰ অসামৰিক চিকিৎসালয় পৰিদৰ্শন কৰে । শিৱসাগৰ অসামৰিক চিকিৎসালয়ৰ কভিড ৱাৰ্ড পৰিদৰ্শন কৰি চিকিৎসালয়খনৰ যাৱতীয় অভাৱ অভিযোগৰ বুজ লয় । বৰ্তমান চিকিৎসালয়খনত ২২ গৰাকী কোভিড ৰোগী থকাৰ বিপৰীতে আন ৬০ খন আসন বৃদ্ধি কৰা হৈছে ।

আনহাতে কৰ'ণা সংক্ৰমণৰ মাজতে সদ্য ঘোষিত হাইস্কুল শিক্ষান্ত পৰীক্ষাৰ ফলাফলৰ পাছত কি দৰে পৰৱৰ্তী শিক্ষাৰ বাবে নামভৰ্তি কৰা হ'ব সেই সন্দৰ্ভত মন্ত্ৰী গৰাকীয়ে কাইলৈ এক সংবাদ মেলৰ দ্বাৰা সদৰী কৰিব বুলি জানিব দিয়ে । কভিড আতংকৰ মাজত সন্তানৰ নামভৰ্তিক লৈ আতংকিত নহ'বলৈ মন্ত্ৰীগৰাকীয়ে আহ্বান জনাইছে ৷

লগতে পঢ়কঃ নৱম স্থানৰে জিলিকিল দৰঙৰ ভৃগুমোহন কুমাৰ

চৰকাৰে সকলো উপযুক্ত ব্যৱস্থা কৰি ৰখাৰ লগতে উত্তীৰ্ণ সকলে পৰৱৰ্তী নামভৰ্তি যথাযথভাৱে কৰিব পাৰিব বুলিও অৱগত কৰে মন্ত্ৰীগৰাকীয়ে । শনিবাৰে মন্ত্ৰী গৰাকীয়ে পৰীক্ষাৰ ফলাফলত চৰকাৰী বিদ্যালয়ৰ প্ৰদৰ্শনত সন্তোষ প্ৰকাশ কৰে । উল্লেখ্য যে, মন্ত্ৰীগৰাকীয়ে চৰকাৰী চিকিৎসালয়ত চিকিৎসক আদিকে কৰি স্বাস্থ্যৰ কৰ্মীৰ অভাৱ অনাগত দুই বছৰত সম্পূৰ্ণ দূৰ হ'ব বুলি আশা প্ৰকাশ কৰে।