শিল্পী মহেন্দ্ৰ হাজৰিকাৰ সৃষ্টিশীল চিন্তাত ব্যাঘাত জন্মিছে

বিগত 4/ 5 বছৰে কোনো দুষ্টচক্ৰই ১৮/ ১৯ টাকৈ গানৰ চেনেল খুলি বহু লক্ষ লক্ষ টকা উপাৰ্জন কৰাৰ কথা প্ৰকাশ কৰিছে শল্পী মহেন্দ্ৰ হাজৰিকাই । শিল্পীগৰাকীৰ মনত আঘাত দি দুষ্টচক্ৰটোৱে কোনো ধৰণৰ অনুমতি নোলোৱাকৈ সাংস্কৃতিক সম্পদক বাণিজ্যিক ৰূপ দিয়াত চিন্তান্বিত হৈ পৰিছে শিল্পীগৰাকী ৷

আমগুৰি, ২৫ অক্টোবৰ: জনতাৰ শিল্পী মহেন্দ্ৰ হাজৰিকাৰ সৃষ্টিশীল চিন্তাত ব্যাঘাত জন্মিছে ৷ শিল্পীগৰাকীৰ গান চুৰি কৰি একাংশ ইউটিউবাৰে চেনেল খুলি ডলাৰ হিচাপত অৰ্থ উপাৰ্জন কৰি থকাৰ অভিযোগ উত্থাপন কৰিছে শিল্পী মহেন্দ্ৰ হাজৰিকাই । বিগত 4/ 5 বছৰে কোনো দুষ্টচক্ৰই ১৮/ ১৯ টাকৈ গানৰ চেনেল খুলি বহু লক্ষ লক্ষ টকা উপাৰ্জন কৰাৰ কথা প্ৰকাশ কৰিছে শিল্পীগৰাকীয়ে । শিল্পীগৰাকীৰ মনত আঘাত দি দুষ্টচক্ৰটোৱে কোনো ধৰণৰ অনুমতি নোলোৱাকৈ সাংস্কৃতিক সম্পদক বাণিজ্যিক ৰূপ দিয়াত চিন্তান্বিত হৈ পৰিছে শিল্পীগৰাকী ৷

স্বদেশ, স্বজাতি আৰু মাটিৰ গোন্ধ থকা জনতাৰ শিল্পীগৰাকীৰ অনুপম সৃষ্টি সমূহক বাণিজ্যিক ৰূপ দিয়া কামসমূহৰ বাবে দুৰ্নীতি নিবাৰক শাখাক তদন্ত কৰিবলৈ আবেদন জনাইছে শিল্পীগৰাকীয়ে। কথাৰ ছন্দেৰে, পক্ষী হোৱা হ'লে, গণেশগুৰিৰ বিস্ফোৰণ, বৰলুইত, মই দিয়া ফুল, সাগৰিকা নে মালবিকা, স্বদেশৰ বাতৰি, ৰাংঢালী ছোৱালিৰ মন ইত্যাদি বহুতো কেছেটত গীত লিখি কণ্ঠদান কৰি জনতাৰ হিয়াৰ আমঠু হোৱা শিল্পীগৰাকীৰ লগত দুষ্টচক্ৰই কৰা এনে কাৰ্যক সহজভাৱে ল'ব পৰা নাই মহেন্দ্ৰ হাজৰিকাই ৷