আমগুৰি,২৫ এপ্ৰিল: যোৰহাট জিলাৰ তিতাবৰ কমলাবাৰী সত্ৰৰ শিল্পী নৰেন্দ্ৰ খাটনীয়াৰ বগায়নক প্ৰদান কৰা হ'ব ২০২২-২৩ বৰ্ষৰ জগন্নাথ মহন্ত সোঁৱৰণী বঁটা । সোমবাৰে অনুষ্ঠিত এক সংবাদমেলত জগন্নাথ মহন্ত সোঁৱৰণী মঞ্চৰ সম্পাদক হিমাদ্ৰী জ্যোতি দত্ত আৰু পূৱেৰুন শিল্পী সমাজৰ সভাপতি ইন্দ্ৰ কমল ফুকনে সদৰী কৰে এই কথা (Jagannath Mahanta Memorial Award) ৷ নৃত্যৰত্ন ড৹ জগন্নাথ মহন্তৰ জন্ম দিৱসৰ দিনা আগবঢ়োৱা হ'ব এই বঁটা (Nrityaratna Dr Jagannath Mahant) ।
পূৱেৰুণ শিল্পী সমাজ, আমগুৰিৰ উদ্যোগত আৰু ড৹ জগন্নাথ মহন্ত সোঁৱৰণী মঞ্চৰ সহযোগত অসমৰ সত্ৰীয়া সংস্কৃতি জগতৰ অন্যতম কাণ্ডাৰী নৃত্যৰত্ন ড৹ জগন্নাথ মহন্তৰ জন্ম দিৱসটি এইবাৰো অহা ১ মে' সোমবাৰে আয়োজন কৰা হৈছে ৷ বিয়লি ২ বজাত জাঁজী হেমনাথ শৰ্মা মহাবিদ্যালয় প্ৰেক্ষাগৃহত (Hemnath Sharma College Auditorium) অনুষ্ঠিত হ'বলগীয়া অনুষ্ঠানটিতে তিতাবৰ কমলাবাৰী সত্ৰৰ শিল্পী নৰেন্দ্ৰ খাটনীয়াৰ বৰগায়নক এই বঁটা প্ৰদান কৰা হ'ব ।
লগতে পঢ়ক: Braille Hemkosh World Record : বিশ্ব ৰেকৰ্ডৰ পৃষ্ঠাত সোমাল ব্ৰেইল হেমকোষ
উক্ত অনুষ্ঠানত মুখ্য অতিথিৰূপে আমগুৰি বিধানসভা সমষ্টিৰ বিধায়ক প্রদীপ হাজৰিকা (MLA Pradip Hazarika) উপস্থিত থকাৰ লগতে বিশিষ্ট অতিথিৰূপে সংগীত নাট অকাডেমীৰ বঁটা প্ৰাপক টংকেশ্বৰ হাজৰিকা বৰবায়ন, ড৹ জগন্নাথ মহন্ত বঁটা প্ৰাপক কৰুণা বৰা, লোক সংস্কৃতিৰ সাধক 'প্ৰমত্ত সিংহ সাংস্কৃতিক' বঁটা প্ৰাপক ড৹ অনিল শইকীয়াৰ লগতে সত্ৰীয়া সংস্কৃতিৰ ভালেকেইজন বিশিষ্ট ব্যক্তি উপস্থিত থাকিব । অনুষ্ঠানত সকলোৰে সহায় সহযোগ উদ্যোক্তাসকলে কামনা কৰিছে ৷
উল্লেখ্য যে, সত্ৰীয়া নৃত্যৰ প্ৰথম গৰাকী ডক্টৰেট তথা বিশিষ্ট সত্ৰীয়া গৱেষক আছিল ড৹ জগন্নাথ মহন্ত । অসমৰ সত্ৰীয়া সংস্কৃতিলৈ অভূতপূৰ্ব অৱদান আগবঢ়াই থৈ গৈছিল মহন্তই । সেয়ে তেওঁৰ অৱদানৰ প্ৰতি সন্মান জনাই প্ৰতিবছৰে আগবঢ়াই অহা হৈছে এই বঁটা ।
লগতে পঢ়ক: Rangali 2023 : নলবাৰীৰ বিহুত দিপলীনা গীতে মুদ্ধ কৰিলে দৰ্শকক
