শিৱসাগৰ,15 মাৰ্চ : হঠাতে ঘটনা এটা ঘটনাই সৰ্বস্ব কাঢ়ি নিয়ে কোনোবাজনৰ ৷ ভুল কৰে অন্য কোনোবাই কিন্তু দুৰ্ভোগ ভোগে কোনোবাই ৷ চকুপানীৰে বাট নেদেখা হৈছে আমগুৰিৰ এগৰাকী মানুহে ৷ স্বামীৰ চিকিৎসা সাহাৰ্য বিচাৰি ভাঙি পৰিছে কান্দোনত ৷ স্বামীৰ চিকিৎসা ব্যয়ৰ বাবে অৰ্থৰ অভাৱ , কন্যাৰ বিদ্যালয়ৰ মাছুল দিবলৈ নাই ধন ৷ মাটি ভেটি সৰ্বস্ব বিক্ৰী কৰিলেও সেয়া পৰ্যাপ্ত নহয় দুৰ্ঘটনাত আহত স্বামীৰ চিকিৎসা ব্যয়ৰ বাবে ৷
ছমাহ পূৰ্বে দুৰ্ঘটনাত পতিত হৈছিল আমগুৰিৰ দিপু দত্ত৷ গুৰুতৰভাৱে আঘাতপ্ৰাপ্ত ব্যক্তিজনক গুৱাহাটীৰ হায়াত হস্পিতালত চিকিতসা কৰালে যদিও চিকিৎসা ব্যয় বহন কৰিবলৈ যাওঁতে সৰ্বস্বান্ত হ'ল পৰিয়ালটো ৷ মাটি-বাৰী, সোণৰ আ-অলংকাৰ, ফ্ৰীজৰ লগতে ঘৰুৱা অন্যান্য সামগ্ৰী বিক্ৰী কৰি স্বামীক চিকিৎসালয়ৰ পৰা ঘৰলৈ আনে । কিন্তু চিকিৎসকৰ পৰামৰ্শ অনুসৰি ব্যক্তিজনক পুনৰ এক মগজুৰ অস্ত্ৰোপচাৰৰ প্ৰয়োজন । কিন্তু সৰ্বস্বান্ত পত্নীয়ে নিজ স্বামীক গুৱাহাটীলৈ নি অৰ্থৰ অভাৱৰ বাবে অস্ত্ৰোপচাৰ কৰাব নোৱাৰে । ফলত কান্দোনত ভাঙি পৰিছে উপায়বিহীন মহিলাগৰাকী ৷ অৱশেষত ৰাইজৰ ওচৰত স্বামীৰ চিকিৎসাৰ বাবে সাহাৰ্য বিচাৰিছে মহিলাগৰাকীয়ে ৷ সদাশয় ব্যক্তিয়ে ৩০৮৮০৮০৮২৫০ একাউন্ট নম্বৰ অথবা ৭০৮৬৬৯৯৫৯৯ ম'বাইল নম্বৰত পৰিয়ালটোৰ লগত যোগাযোগ কৰিব পাৰে।
