শিৱসাগৰ, 23 ফেব্ৰুৱাৰীঃ আজি অন্ত পৰিল যোৱা ২০ ফেব্ৰুৱাৰীত ৰাজ্যৰ মহামান্য ৰাজ্যপালে উদ্বোধন কৰা শিৱসাগৰৰ শিৱদ'ল কেন্দ্ৰিক শিৱৰাত্ৰী মহোৎসৱৰ ৷ এক পৱিত্ৰ আধ্যাত্মিক পৰিৱেশৰ মাজত চাৰিটা দিনত প্ৰায় ১৫ লক্ষাধিক ভক্তই শিৱদ'লত প্ৰাপ্তিৰ কামনাৰে মহাদেৱৰ আশীষ ল'লে ৰাজ্যৰ ভিন্ন প্ৰান্তৰ লোকে ৷
ৰাজ্যৰ লগতে ভাৰতৰ বিভিন্ন প্ৰান্তৰ পৰা অহা ১০০০ ব্যৱসায়ীয়ে এই মেলাৰ পৰা বিদায় ল'লে লোকচানৰ হুমুনিয়াহ কাঢ়ি ৷ দোকান আৱণ্টনৰ নামত দ'ল উন্নয়ণ সমিতিয়ে নিলামৰ জড়িয়তে উচ্চ হাৰত দোকান আৱণ্টিত কৰি প্ৰাৰম্ভিক দৰতকৈ পাঁচ গুণ অধিক দামত দোকান বিক্ৰী কৰাৰ বাবে এইদৰে লোকচান হোৱা বুলি মন্তব্য কৰিছে ক্ষোভিত ব্যৱসায়ীয়ে ৷
পূজাৰ আধ্যাত্মিকতা, মেলাৰ আনন্দ, ব্যৱসায়ীৰ হুমুনিয়াহৰ মাজতে মহোৎসৱৰ মূল কেণ্টিনৰ খাদ্য খাই অসুস্থ হৈছে ছাত্ৰ ৷ এইদৰে লাখ লাখ ভক্তৰ ভক্তি, লোকচানৰ অংক,খাদ্যৰ নামত অখাদ্য আদি বিভিন্ন মিশ্ৰিত প্ৰতিক্ৰিয়াৰ মাজত আজি অন্ত পৰিল শিৱসাগৰৰ মহা শিৱৰাত্ৰী মহোৎসৱৰ ৷
লগতে পঢ়কঃ সামৰণি পৰিল শ্ৰীমন্ত শংকৰদেৱ কলাক্ষেত্ৰত অনুষ্ঠিত হোৱা হস্তশিল্প প্ৰৰ্দশনী মেলা
