নাজিৰা, 2 জুলাই: বৃহত্তৰ নাজিৰাৰ জনসাধাৰণৰ প্ৰাণকেন্দ্ৰ স্বৰূপ কৰ্মশ্ৰী হিতেশ্বৰ শইকীয়া অসামৰিক চিকিৎসালয়ত ৰোগীক উপযুক্ত চিকিৎসা সেৱা প্ৰদানেৰে নিৰোগী কৰি তুলাৰ প্ৰচেষ্টাৰ লগতে চিকিৎসকসকলে 24 ঘন্টাই নিস্বাৰ্থভাৱে জনসেৱা আগবঢ়াই আহিছে ৷
নিজৰ কৰ্মব্যস্তাৰ মাজতে শুকুৰবাৰে শিৱসাগৰ জিলাৰ অন্তৰ্গত নাজিৰাৰ লিগিৰী পুখুৰীস্থিত কৰ্মশ্ৰী হিতেশ্বৰ শইকীয়া অসামৰিক চিকিৎসালয়ত ৰাষ্ট্ৰীয় চিকিৎসক দিৱসৰ লগতে শিৱসাগৰ দিৱস পালন কৰে চিকিৎসক সকলে (National Doctors Day 2022) ৷ দিনযোৰা কাৰ্যসূচীৰে হিতেশ্বৰ শইকীয়া অসামৰিক চিকিৎসালয়ৰ চিকিৎসকসকলে উদযাপন কৰে ৰাষ্ট্ৰীয় চিকিৎসক দিৱস।
এই বিশেষ দিনটোত নাজিৰাৰ লিগিৰী পুখুৰীস্থিত কৰ্মশ্ৰী হিতেশ্বৰ শইকীয়া অসামৰিক চিকিৎসালয় চৌহদত গছপুলি ৰোপন কৰাৰ লগতে কেক কাটি সকলোৱে উদযাপন কৰে চিকিৎসক দিৱস । চিকিৎসালয়খনলৈ চিকিৎসাৰ বাবে অহা প্ৰতিগৰাকী ব্যক্তিয়ে যাতে শুদ্ধ বায়ু তথা অক্সিজেন পায় তাৰ প্ৰতি লক্ষ্য ৰাখি গছপুলি ৰোপন কৰা হৈছে বুলি চিকিৎসালয়খনৰ সঞ্চালগৰাকীয়ে মন্তব্য প্ৰকাশ কৰে ।
উল্লেখ্য যে, প্ৰতি বছৰে 1 জুলাইত দেশজুৰি পালন কৰা হয় ৰাষ্ট্ৰীয় চিকিৎসক দিৱস ৷ জনস্বাস্থ্যৰ সেৱাৰ্থে 24 ঘন্টাই নিস্বাৰ্থভাৱে সেৱা আগবঢ়োৱা চিকিৎসা পেছাধাৰীসকলৰ প্ৰতি সন্মান জনোৱাৰ বাবেই দেশজুৰী পালন কৰা হয় ৰাষ্ট্ৰীয় চিকিৎসক দিৱস(National Doctors Day celebrated in India on July 1)৷
লগতে পঢ়ক: হোজাইত ৰাষ্ট্ৰীয় চিকিৎসক দিৱস উদযাপন
