লখিমপুৰ,4 ডিচেম্বৰ: নাগৰিকত্ব সংশোধনী বিধেয়কৰ বিৰোধীতা কৰি লখিমপুৰৰ ৰাজপথ কঁপালে ছাত্ৰ সমাজে । নৰ্থ লখিমপুৰ কলেজ স্বায়ত্ত শাসিতৰ সচেতন ছাত্ৰ সমাজ আৰু জিলা সচেতন নাগৰিক সমাজে অংশ ললে এই প্ৰতিবাদত । লখিমপুৰ নগৰৰ মাজ মজিয়াৰে জোঁৰ সমদল উলিয়াই চৰকাৰৰ এই সিদ্ধান্তৰ বিৰোধিতা প্ৰতিবাদকাৰীৰ । ডবা,বৰ-কাঁহ বজাই চৰকাৰক বিধেয়ক কাৰ্যকৰী নকৰিবলৈ দাবী জনালে ছাত্ৰ সমাজ আৰু সচেতন নাগৰিক সমাজে ।
ধেমাজি : কেব কোনোপধ্য মানি নোলোৱাৰ হুংকাৰ দি বুধবাৰে ধেমাজিত জিলা আছু কৰ্মী সকলে আছু কাৰ্যালয় শ্বহীদ উদ্যানৰ পৰা সৰ্বানন্দ সোণোৱাল , অমিত শ্বাহ , নৰেন্দ্ৰ মোদী , আৰু হিমন্ত বিশ্ব শৰ্মাক একেলগে বান্ধি চোচৰাই আনে নগৰৰ মাজেৰে ৷ ইয়াৰ পিচতেই, চৰকাৰ বিৰোধী শ্ল'গান দি ধেমাজি উপায়ুক্ত কাৰ্যালয়ৰ সন্মুখত চাৰি মন্ত্ৰীৰ পুত্তলিকা জ্বলাই সাব্যস্ত কৰে তীব্ৰ প্ৰতিবাদ ৷
লগতে পঢ়ক:কেবিনেটত গৃহীত কেবঃ প্ৰতিবাদত জ্বলিছে ৰাজ্য
ডুমডুমা: নাগৰিকত্ব সংশোধনী বিধেয়ক লোকসভাত গৃহীত হোৱাৰ প্ৰতিবাদত বুধবাৰে তিনিচুকীয়া জিলাৰ ডুমডুমাত বহুকেইটা জাতীয়-জনগোষ্ঠীয় সংগঠনে তিব্ৰ প্ৰতিবাদ সাব্যস্ত কৰে । অসম জাতীয়তাবাদী যুৱ-ছাত্ৰ পৰিষদ তিনিচুকীয়া জিলা সমিতিৰ উদ্যোগত আছু, আটছা, মৰাণ ছাত্ৰ সন্থাই ভাৰতৰ প্ৰধামন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহৰ প্ৰতিমূৰ্তী আৰু নাগৰিকত্ব সংশোধনী বিধেয়কৰ প্ৰতিলিপি দাহ কৰি উত্তাল প্ৰতিবাদ সাব্যস্ত কৰে ।
আমগুৰি : জাতিধ্বংসী নাগৰিকত্ব সংশোধনী বিধেয়ক বাতিলৰ দাবীত আমগুৰি নগৰৰ চাৰিআলিত অৰ্দ্ধ-উলংগ হৈ প্ৰতিবাদ সাব্যস্ত কৰে চাৰিটাকৈ জাতীয় সংগঠনে ৷ এই অৰ্দ্ধ উলংগ প্ৰতিবাদত অংশ লয় আহোম জাতীয় গণমঞ্চ, আটাছু, ছাত্ৰ মুক্তি সংগ্ৰাম সমিতি আৰু টাই আহোম যুৱ পৰিষদে ৷ প্ৰতিবাদস্থলীত বিদেশী আনি বহুৱাবলৈ অসমখন চৰণীয়া পথাৰ নহয় বুলি চৰকাৰক হুংকাৰ প্ৰদান কলে প্ৰতিবাদকাৰীসকলে ৷
আৰু চাওঁক:জয় বাংলাদেশ ধ্বনি দি বিপদত হিমন্তঃ পাণবজাৰ থানাত এজাহাৰ দাখিল কটনিয়ানৰ
দৰং: কেবৰ বিৰুদ্ধে দৰংত প্ৰতিবাদৰ জুই । দৰঙৰ মঙলদৈত অসম জাতীয়তাবাদী যুৱ ছাত্ৰ পৰিষদে দাহ কৰিলে প্ৰধান মন্ত্ৰী নৰেন্দ্ৰ মোদী, গৃহ মন্ত্ৰী আমিত শ্বাহ আৰু অসমৰ মুখ্য মন্ত্ৰী সৰ্বানন্দ সোনোৱালৰ প্ৰতিকৃৰ্তি । কেব মানি লোৱা নহ'ব বুলি স্পষ্ট ঘোষণা সংগঠনটোৰ । লগতে অসমত কোনো চৰ্ততে কেব প্ৰযোজ্য কৰিব দিয়া নহ'ব বুলিও প্ৰকাশ কৰে সংগঠৱনটোৱে ৷
বিশ্বনাথ: বিশ্বনাথৰ বৰগাং ৰাজ পথত উত্তাল প্ৰতিবাদ । বিশ্বনাথ বিহালী কেইবাটাও জাতীয় সংগঠনে এক গোট হৈ কেবৰ বিৰুদ্ধে ৰাজপথত জোঁৰ সমদল কাৰ্যসূচী হাতত লয় । সংগ্ৰামী যুৱ ছাত্ৰ পৰিষদ , অসমৰ বিহালী আঞ্চলিকৰ বিহালী আছু, বিহালী আছা আৰু বিহালী যুৱ সমাজে হাতে হাতে জোঁৰ লৈ নাগৰিকত্ব সংশোধনী বিধেয়ক বাতিলৰ দাবীৰ দাবী জনাই উত্তাল কৰি তুলে বৰগাং ৰাজপথ ।
লগতে চাওঁক:5 ডিচেম্বৰত কেবৰ বিৰোধিতাৰে লাষ্টগেট কপাব কৃষক মুক্তি সংগ্ৰাম সমিতিয়ে
তেজপুৰ: জাতিদ্ৰোহী কেব গৃহীত কৰাৰ বাবে কেন্দ্ৰীয় চৰকাৰে গ্ৰহণ কৰা সিদ্ধানৰ বিৰূদ্ধে তেজপুৰ আছুৰ দুই শতাধিক বিষয়-ববীয়া, কৰ্মী তেজপুৰ চহৰৰ বৰগোলা চাৰি আলিত সন্ধিয়া গৃহমন্ত্ৰী অমিত শ্বাহৰ পুত্তলিকা দাহেৰে তীব্ৰ প্ৰতিবাদ সাব্যস্ত কৰে ৷ অমিত শ্বাহৰ দাদাগিৰী নচলিব", "নৰেন্দ্ৰ মোডী হায় হায়" , "বিজেপি গ’ বেক" , "নাগৰিকত্ব সংশোধনী বিধেয়ক কোনো কাৰণতে মানি লোৱা নহ’ব" আদি শ্ল’গান আৰু ধৰ্নাৰে আছু কৰ্মীসকলে পৰিৱেশ উত্তাল কৰি তোলে তেজপুৰৰ ৰাজপথ ৷
কলিয়াবৰ: প্ৰস্তাৱিত নাগৰিকত্ব সংশোধনী বিধেয়কৰ বিৰুদ্ধে কলিয়াবৰত অসম জাতীয়তাবাদী যুৱ পৰিষদৰ প্ৰতিবাদ । বুধবাৰে কলিয়াবৰ ৩৭ নম্বৰ ৰাষ্ট্ৰীয় ঘাইপথত সন্ধিয়া প্ৰধান মন্ত্ৰী নৰেন্দ্ৰ মোদী আৰু কেন্দ্ৰীয় গৃহ মন্ত্ৰীৰ পুত্তলিকা দাহেৰে বিধেয়কখনৰ বিৰুদ্ধে সাব্যস্ত কৰে প্ৰতিবাদ । প্ৰতিবাদকাৰীয়ে চৰকাৰ বিৰোধী শ্ল'গানেৰে ৰাজপথ উত্তাল কৰি তোলে । বিদেশীৰ বোজা কোনো কাৰণতে মানি লোৱা নহ'ব আৰু এই বিতৰ্কিত বিধেয়কখন যিকোনো মূল্যৰ বিনিময়ত প্ৰতিৰোধ কৰা হ'ব বুলি বদ্ধপৰিকৰ বুলি নেতৃবৰ্গই চৰকাৰক সঁকিয়াই দিয়ে । লগতে অগপ দলৰ জাতিদ্ৰোহী স্থিতিক লেই-লেই, চেই-চেই ধ্বনিৰ তীব্ৰ গৰিহণা দিয়ে ।
আৰু জানিবৰ বাবে চাওঁক:কেব গৃহীত হোৱাৰ পাচতহে পদক্ষেপ গ্ৰহণ কৰিব অসম গণ পৰিষদে !
শদিয়া : নাগৰিকত্ব বিধেয়ক ২০১৬ বাতিলৰ লগতে ছয় জনগোষ্ঠীক জনজাতিকৰণৰ দাবীত কাকপথাৰত কেবৰ প্ৰতিলিপি দাহ কৰি প্ৰতিবাদত সাব্যস্ত মৰাণ ছাত্ৰ সন্থাই ৷ বুধবাৰৰ সন্ধিয়া মৰাণ ছাত্ৰ সন্থাৰ কৰ্মকতাই কাকপথাৰ তিনিআলিত প্ৰতিলিপি দাহ কৰি পৰিবেশ উত্তাল কৰাৰ লগতে কালিলৈ পৰা এলানি আন্দোলনৰ কাৰ্যসুচী ঘোষণা কৰে ৷ সমান্তৰালভাবে কাকপথাৰ অঞ্চলত বিজেপি দল, চৰকাৰৰ সভা-সমিতি অনুষ্ঠিত কৰাত বাধা প্ৰদান কৰাৰো সিদ্ধান্ত সংগঠনৰ ৷
