শিৱসাগৰ , 30 ছেপ্টেম্বৰঃ চৰাইদেউ জিলাৰ সোণাৰী সমষ্টিৰ উপ নিৰ্বাচনৰ বাবে আজি মনোনয়ন দাখিল কৰিব বিজেপি আৰু কংগ্ৰেছ দলৰ প্ৰাৰ্থী ক্ৰমে নৱনীতা সন্দিকৈ আৰু সুশীল চুৰীয়ে ৷ চৰাইদেও জিলা উপায়ুক্তৰ কাৰ্যালয়ত প্ৰাৰ্থীদ্বয়ে মনোনয়ন প্ৰদান কৰিব ৷ বিজেপি প্ৰাৰ্থী নৱনীতা সন্দিকৈৰ মনোনয়ন পত্ৰ প্ৰদান কাৰ্যসূচীত অংশগ্ৰহণ কৰিব মুখ্যমন্ত্ৰী সৰ্বানন্দ সোণোৱালৰ লগতে বহু কেইটা সমষ্টিৰ বিধায়কে ৷
ইপিনে কংগ্ৰেছ প্ৰাৰ্থী সুশীল চুৰীৰ মনোনয়ন প্ৰদান অনুষ্ঠানত অংশ ল'ব বিৰোধী দলৰ নেতা দেৱব্ৰত শইকীয়া, বিধায়ক ৰূপজ্যোতি কুৰ্মী, অপূৰ্ব ভট্টাচাৰ্য আৰু সুশান্ত বৰগোঁহাই আদিয়ে ৷ উল্লেখ্য যে, আগন্তুক 21 অক্টোবৰত অসমৰ চাৰিটা সমষ্টিত অনুষ্ঠিত হ'ব উপ-নিৰ্বাচন ৷
