আমগুৰি, 8 নৱেম্বৰ : কৰ'ণা মহামাৰীৰ পৰা পৰিত্ৰাণ বিচাৰি শিৱসাগৰ জিলাৰ আমগুৰিত ভাওনাৰ আয়োজন ৷ সম্পূৰ্ণ ক'ভিড প্ৰট'কল মানি আয়োজন কৰা হয় ভাওনাৰ ৷ 'বিপ্ৰ দামোদৰ দন্তবক্ৰৰ মুক্তিলাভ' ভাওনা অনুষ্ঠিত কৰি কৰ'ণাৰ পৰা মুক্তি বিচাৰিলে আমগুৰিৰ বেলিমুখীয়া ৰাইজে ।
কৰ'ণাৰ পৰা পৰিত্ৰাণ বিচাৰি শিৱসাগৰত ভাওনাৰ আয়োজন
উল্লেখ্য যে, বিগত সাত মাহৰ অন্তত গুৰুজনাৰ অনুপম সৃষ্টি ভাওনা অনুষ্ঠিত হোৱাত প্ৰাণ পাই উঠিল অসমীয়াৰ শিৰৰ মুকুট স্বৰূপ জাতীয় পৰিচয় নামঘৰ । সামন্তৰালভাৱে আনন্দিত আৰু উৎফুল্লিত হৈ পৰিছে ভাওনা শিল্পী তথা ৰাইজ । বিজ্ঞানৰ সমান্তৰালভাৱে আধ্যাত্মিক চেতনাত বিশ্বাস ৰাখি ভাওনাৰ দ্বাৰা সমগ্ৰ বিশ্ব কৰ'ণা মহামাৰীৰ পৰা পৰিত্ৰাণ পোৱাৰ আশা কৰিছে ৰাইজে ৷
লগতে পঢ়ক : কোকৰাঝাৰৰ আত্মহত্যাৰ ঘটনাক লৈ চিবিআইৰ তদন্ত দাবী বাঙালী যুৱ ছাত্ৰ ফেডাৰেশ্যনৰ
