শিৱসাগৰ, 19 জুলাইঃ প্ৰলয়ংকাৰী বানে সমগ্ৰ ৰাজ্য তাণ্ডৱ সৃষ্টি কৰাৰ পাছত বৃহস্পতিবাৰৰ পৰা ক্ৰমে উন্নত হৈছে ৰাজ্যৰ বান পৰিস্থিতি । প্ৰাপ্ত তথ্য অনুসৰি, শিৱসাগৰ আৰু ডিমৌ ৰাজহ চক্ৰ অন্তৰ্গত সৰ্বমুঠ 71 খন গাঁৱৰ 31 হাজাৰৰো অধিক লোক বানত আক্ৰান্ত হোৱাৰ লগতে ৰ 844 হেক্টৰ ভূমি প্লাৱিত হৈছিল । ইতিমধ্যে শিৱসাগৰ জিলা প্ৰশাসনে বানাক্ৰান্ত সকলক ক্ষতিপূৰণ আৰু পুনৰ সংস্থাপনৰ বাবে তৎপৰ হৈ উঠিছে । শিৱসাগৰ জিলা প্ৰশাসনে বানত আক্ৰান্ত লোক সকলক সাহাৰ্য্য প্ৰদান কৰাৰ বাবে 57 টা সাহাৰ্য্য কেন্দ্ৰ গঠন কৰাৰ লগতে বানাক্ৰান্ত অঞ্চল সমূহত হ'ব পৰা বিভিন্ন সংক্ৰামক ৰোগ নিৰাময়ৰ বাবে 15 টা বিশেষ চিকিৎসাৰ দল গঠন কৰিছে । ইয়াৰোপৰি একেদৰে বানত আক্ৰান্ত প্ৰায় 25 হাজাৰৰো অধিক জীৱ জন্তুৰ চিকিৎসাৰ বাবে 12 টা পশু চিকিৎসকৰ দল নিয়োজিত কৰা হৈছে ।
দুৰ্যোগ প্ৰশমন আৰু ক্ষতিপূৰণ প্ৰদানৰ বাবে তৎপৰ শিৱসাগৰ জিলা প্ৰশাসন
