শিৱসাগৰ, 4 জুলাইঃ শনিবাৰে শিৱসাগৰৰ বানমুখ চেতিয়া গাঁৱত পানীত ডুব যোৱাৰ ফলত, মৃত্যুক সাৱটি লয় এগৰাকী যুৱকে । মৃত যুৱকগৰাকী আছিল গাঁওখনৰে সোণেশ্বৰ চেতিয়াৰ পুত্ৰ মুকুল চেতিয়া (20) । স্নাতক চতুৰ্থ ষান্মাসিকৰ ছাত্ৰ আছিল মুকুল চেতিয়া ।
শিৱসাগৰত পানীত ডুবি মৃত্যু যুৱকৰ
স্থানীয় লোকে জানিবলৈ দিয়া অনুসৰি, পুৱা ওচৰৰে পুখৰী এটাত গা ধুৱলৈ গৈছিল মুকুল চেতিয়া নামৰ যুৱকজন । বাঢ়নী পানীয়ে বুৰাই ৰখা পুখুৰীটোত, পানীৰ গভীৰতাৰ উমান নাপাই যুৱকজন ডুব যোৱা বুলি সন্দেহ প্ৰকাশ কৰিছে স্থানীয় লোকে । যুৱকজনক শিৱসাগৰৰ প্ৰগতি চিকিৎসালয়লৈ নিয়া হৈছিল যদিও, চিকিৎসকে মৃত বুলি ঘোষণা কৰে ।
লগতে পঢ়কঃ ধিঙত বিদ্যুৎস্পৃষ্ট হৈ শিশুৰ মৃত্যু
