শিৱসাগৰ, 28 নৱেম্বৰ: অসমৰ ক্ৰীড়াজগতৰ বাবে সুখবৰ । আগন্তুক 21 তম এছিয়ান মাষ্টাৰ চেম্পিয়নশ্বিপত ভাৰতৰ হৈ প্ৰতিদ্বন্দিতা আগবঢ়াব শিৱসাগৰৰ উদীয়মান এথলেটিক অনন্ত ৰাজকোঁৱৰ লগতে নাজিৰাৰ মন্দিৰা গগৈয়ে ৷ অহা ডিচেম্বৰ মাহত অনুষ্ঠিত হ'বলগীয়া 21 তম এছিয়ান মাষ্টাৰ চেম্পিয়নশ্বিপ 2019 লৈ নিৰ্বাচিত হৈছে ৰাজকোঁৱৰৰ লগতে মন্দিৰা গগৈ । 2 ৰ পৰা 7 ডিচেম্বৰলৈ মালয়েছিয়াৰ চাৰাউৱাত অনুষ্ঠিত হ'ব এই প্ৰতিযোগিতা ৷
এই প্ৰতিযোগিতাৰ বাবে ইতিমধ্যে কঠোৰ অনুশীলন অব্যাহত ৰাখিছে 45 বছৰীয়া খেলুৱৈগৰাকীয়ে ৷ অহা 30 নৱেম্বৰত গুৱাহাটী পৰা মালেছিয়ালৈ ৰাওনা হ'ব ৰাজকোঁৱৰ ।
23 বছৰ ধৰি সক্ৰিয়ভাৱে ক্ৰীড়াৰ লগত জড়িত হৈ থকা উদীয়মান খেলুৱৈগৰাকীয়ে শিৱসাগৰত এখন উন্নত মানৰ খেলপথাৰৰ অভাৱ অনুভৱ কৰাৰ লগতে চৰকাৰে এই দিশটোত শীঘ্ৰ গুৰুত্ব আৰোপ কৰা উচিত বুলি মন্তব্য কৰে । কিন্তু অতি পৰিতাপৰ বিষয় এই যে, ভাৰতক প্ৰতিনিধিত্ব কৰিবলৈ যোৱা এই খেলুৱৈগৰাকীয়ে এতিয়া লৈ লাভ কৰা নাই কোনো ধৰণৰ চৰকাৰী সাহায্য ৷ যাৰ বাবে নিজৰ ঘাঠিৰ ধন ভাঙি প্ৰতিযোগিতাত অংশগ্ৰহণ কৰিবলৈ ওলাইছে খেলুৱৈগৰাকীয়ে ৷
উল্লেখ যে, অনন্ত ৰাজকোঁৱৰে ইয়াৰ পূৰ্বে দুইবাৰৰ বাবে আন্তঃৰাষ্ট্ৰীয় যোগাসনত অংশগ্ৰহণ কৰিছে । বর্তমান জিলা ক্ৰীড়া কার্যালয়ত যোগ প্ৰশিক্ষক হিচাপে কৰ্মৰত ৰাজকোঁৱৰ । স্বর্গীয় জিতেন ৰাজকোঁৱৰ আৰু লক্ষ্মী ৰাজকোঁৱৰৰ পুত্ৰ হৈছে অনন্ত ৰাজকোঁৱৰ ।
লগতে চাওক-বিধ্বংসী গৰাখহনীয়াৰ কৱলত বিজনীৰ শ-শ গাওঁ
