স্পৰ্টছ ডেস্ক, ২৮ জুলাইঃ অসম ৰাজ্যিক টাইকোৱাণ্ডো সন্থাৰ উদ্যোগত নলবাৰীত অনুষ্ঠিত হৈছে ৩৬ তম সদৌ অসম ৰাজ্যিক পুৰুষ মহিলা টাইকোৱাণ্ডো প্ৰতিযোগিতা । চাৰিদিনীয়া কাৰ্যসূচীৰে নলবাৰী হৰিমন্দিৰত আৰম্ভ হৈছে এই টাইকোৱাণ্ডো প্ৰতিযোগিতা ।
নলবাৰীত ৩৬ তম সদৌ অসম ৰাজ্যিক টাইকোৱাণ্ডো প্ৰতিযোগিতা
নলবাৰী জিলা টাইকোৱাণ্ডো সন্থাৰ সভাপতি গণেশ তামুলীয়ে পতাকা উত্তোলন কৰি শুভাৰম্ভ কৰা প্ৰতিযোগিতাখনত প্ৰায় ১৬০০ তকৈ অধিক খেলুৱৈ অংশগ্ৰহণ কৰিছে । পাঁচটা পৰ্যায়ত অনুষ্ঠিত হোৱা এই খেলখনত অসমৰ ভিন্ন প্ৰান্তৰ প্ৰতিযোগিয়ে অংশগ্ৰহণ কৰিছে । অহা ৩০ জুলাইত অন্ত পৰিব এই প্ৰতিযোগিতাৰ ।
