হিমন্ত বিশ্ব শৰ্মাক মুখ্যমন্ত্ৰী পতাৰ উদ্দেশ্যেৰে কংগ্ৰেছে জয়ী কৰাইছিল বিজেপিক; ৰিপুন বৰা

বৰক্ষেত্ৰীৰ বৰবালা চৰত দেওবাৰে তৃণমূল কংগ্ৰেছৰ এক সাংগঠনিক সভাত অংশগ্ৰহণ কৰে অসম তৃণমূল কংগ্ৰেছৰ সভাপতি ৰিপুন বৰাই ৷ কংগ্ৰেছ, এ আই ইউ ডি এফক তীক্ষ্ণ সমালোচনা নেতাগৰাকীৰ ৷

নলবাৰী, 11 জুন: নলবাৰীৰ বৰক্ষেত্ৰীৰ চৰাঞ্চল বৰবালা চৰত দেওবাৰে তৃণমূল কংগ্ৰেছৰ এক সাংগঠনিক সভাত অংশগ্ৰহণ কৰে অসম তৃণমূল কংগ্ৰেছৰ সভাপতি ৰিপুন বৰাই ৷ সভাত ভাষণ প্ৰসংগত কংগ্ৰেছ, এ আই ইউ ডি এফক তীক্ষ্ণ সমালোচনা কৰে তৃণমূলৰ ৰাজ্যিক সভাপতি ৰিপুন বৰাই (Assam TMC workers Meeting in Nalbari) ৷

সভাত ভাষণ প্ৰসংগত তৃণমূল কংগ্ৰেছ অসমৰ সভাপতি ৰিপুন বৰাই কয়, ‘‘বিগত 21 ৰ বিধানসভা নিৰ্বাচনত মোৰ সভাপতিত্বত এ আই ইউ ডি এফৰে মিলি মিত্ৰজোঁট গঠন কৰিছিলোঁ ৷ মিত্ৰজোঁটে আশা কৰা ধৰণে ফল পাবলৈ ওলোৱাত একাংশ কংগ্ৰেছী নেতাৰ বাবে বিজেপিক পৰাস্ত কৰিব নোৱাৰিলে ৷’’ কংগ্ৰেছৰ সেইসকল নেতাই কেৱল মুখ্যমন্ত্ৰী পদটোৰ লোভত থকা বুলি মন্তব্য কৰে নেতাজনে (Ripun Bora Participate Assam TMC workers Meeting) ৷

সেই সময়ত গৌৰৱ গগৈয়ে মুখ্যমন্ত্ৰীৰ লালসাত থাকি ৰিপুন বৰাৰ দৰে নেতাৰ বিৰুদ্ধে ভিতৰি সৰৱ হৈ হিমন্ত বিশ্ব শৰ্মাৰ পৰা মোটা অংকৰ ধন লৈ বিজেপিক জিকাই নিয়া বুলি মন্তব্য কৰে তৃণমূল কংগ্ৰেছৰ নেতা ৰিপুন বৰাই ৷ কংগ্ৰেছ, এ আই ইউ ডি এফ মিত্ৰজোঁটত নথকা হ’লে বৰক্ষেত্ৰী সমষ্টিটোও বিজেপিৰ হাতলৈ গ'লহেতেন বুলি মন্তব্য কৰে নেতাজনে (Assam TMC Chief Ripun Bora) ৷