নলবাৰী, 28 নৱেম্বৰ : দেওবাৰৰ পৰা ৰাজ্যজুৰি পালন কৰা হ'ব ৰাস মহোৎসৱ ৷ কিন্তু ক’ৰণা মহামাৰীয়ে সৃষ্টি কৰা ভয়াৱহ পৰিস্থিতিক লৈ সংকিত হৈ ৰাজ্যৰ ভিন্ন প্ৰান্তত আনুষ্ঠানিকতা ৰক্ষা কৰি অনুষ্টুপিয়াকৈ আয়োজনৰ যো-জা চলাইছে ৰাস মহোৎসৱৰ ৷ ব্যতিক্ৰম নহ'ল নলবাৰীৰ ৰাস মহোৎসৱো ৷ নলবাৰীবাসীয়ে এইবেলি মাথো আনুষ্ঠানিকতা ৰক্ষা কৰিহে পালন কৰিব ৰাস মহোৎসৱ ৷ প্ৰতিবছৰে ৰাস মহোৎসৱ বিশাল প্ৰস্তুতিৰে অনুষ্ঠিত কৰা হৈ আহিছে যদিও এইবেলি ক'ৰণা মহামাৰীৰ বাবে অনুষ্টুপিয়াকৈ অনুষ্ঠিত কৰা হ'ব মৃন্ময় মূৰ্তি প্ৰধান নলবাৰীৰ ৰাস মহোৎসৱ ৷ পূৰ্বতে তেৰ দিনীয়া বৰ্ণাঢ্য কাৰ্য্যসূচীৰে ৰাস মহোৎসৱ পালন কৰা হৈছিল যদিও এইবেলি হৰি মন্দিৰ প্ৰাংগণত মাত্ৰ তিনিদিনীয়াকৈ অনুষ্ঠিত হ'ব ৰাস মহোৎসৱ ৷
উল্লেখ্য যে, 1933 চনৰ পৰা উদযাপন কৰা নলবাৰী ৰাস মহোৎসৱে এইবাৰ 47 বৰ্ষত ভৰি দিব ৷ কিন্তু এইবাৰ পূৰ্বৰ দৰে নাথাকিব কোনো সাংস্কৃতিক অনুষ্ঠান অথবা ভ্ৰাম্যমাণ থিয়েটাৰ ৷ তথাপিও নলবাৰীৰ ৰাস মহোৎসৱৰ বাবে দিনে নিশাই ব্যস্ত হৈ আছে ৰাস উদযাপন সমিতিৰ কৰ্মকৰ্তা সকলে ৷ নলবাৰী ৰাস মহোৎসৱৰ বিশেষ আকৰ্ষণ উপহাৰ কুপন খেলখনৰ লগতে ভ্ৰাম্যমাণ থিয়েটাৰ সমূহো এইবেলি স্থগিত ৰখা হৈছে ৷ আনহাতে এই ৰাস মহোৎসৱৰ দ্বাৰ উন্মোচন কৰিব মঙ্গলদৈ সমষ্টিৰ সাংসদ দীলিপ শইকীয়াই ৷
লগতে পঢ়ক:নামনি অসমৰ বিখ্যাত হাউলী ৰাস মহোৎসৱ অনুষ্টুপীয়াকৈ আয়োজনৰ সিদ্ধান্ত
