নলবাৰী,1 ফেব্ৰুৱাৰীঃ নলবাৰী জিলাৰ চামতাৰ পশ্চিম নলবাৰী প্ৰেছ ক্লাৱত চলি থকা সৃষ্টি ডেন্স এণ্ড ড্ৰামা ফাউণ্ডেচন, চামতা আৰু নলবাৰী চ’ক বজাৰ শাখাৰ শিক্ষাৰ্থী সকলে হিন্দুস্তান আৰ্ট এণ্ড মিউজিক চ’চাইটি, কলকাতাৰ উদ্যোগত অনুষ্ঠিত ১৩ তম সৰ্বভাৰতীয় পৰ্যায়ৰ ভাৰতীয় শাস্ত্ৰীয় সংগীত, নৃত্য, লোক নৃত্য আৰু চিত্ৰাংকণ প্ৰতিযোগিতাত বিভিন্ন শাখাৰ নৃত্য প্ৰতিযোগিতাত অংশ গ্ৰহণ কৰি ৭৪ টা বঁটা লাভেৰে ৰাজ্য খনলৈ গৌৰৱ কঢ়িয়াই আনিছে ৷
ক’ভিড-১৯ মহামাৰী পৰিৱেশ পৰিস্থিতিৰ বাবে এইবেলি অনলাইন পদ্ধতিত অনুষ্ঠিত প্ৰতিযোগিতাৰ ঘোষিত ফলাফল মৰ্মে চামতা আৰু নলবাৰী চ’ক বজাৰৰ সৃষ্টি ড্ৰামা এণ্ড ডান্স ফাউণ্ডেচনৰ শিক্ষাৰ্থী সকলে নৃত্যৰ বিভিন্ন শাখাত সৰ্বমুঠ ৭৪ টা বঁটা লাভ কৰিবলৈ সক্ষম হৈছে ৷ উল্লেখ্য যে, হিৰণ্য বৰ্মন আৰু স্মৃতি ৰেখা মহন্ত বৰ্মনৰ সঞ্চালনাত চলি থকা নৃত্যানুষ্ঠান দুখনৰ শিক্ষাৰ্থী সকলে যোৱা ২০১৮ বৰ্ষত এই প্ৰতিযোগিতাত অংশগ্ৰহণ কৰি ৩৩ টা বঁটা লাভ কৰি জিলাখনলৈ গৌৰৱ কঢ়িয়াই আনিছিল ৷ সৃষ্টি ড্ৰামা এণ্ড ডেন্স ফাউণ্ডেচনৰ এনে সাফল্যত পশ্চিম নলবাৰী প্ৰেছ ক্লাৱকে ধৰি বৃহত্তৰ পশ্চিম নলবাৰী তথা নলবাৰী জিলাৰ বিভিন্ন অনুষ্ঠান প্ৰতিষ্ঠানে নৃৃৃৃত্যানুষ্ঠানখন আৰু শিক্ষাৰ্থী সকলক শুভেচ্ছা জনাইছে ৷ দেওবাৰে পশ্চিম নলবাৰী প্ৰেছ ক্লাৱত এই বঁটা সমূহ প্ৰদান কৰা হয় । বঁটা বিতৰণী অনুষ্ঠানত কেইবাজনো বিশিষ্ট লোকে অংশ লয় ।
লগত পঢ়কঃ বাজেট দাখিলৰ পূৰ্ৱে নিৰ্মলা সীতাৰমনৰ ৰাষ্ট্ৰপতিক সাক্ষাৎ
