চৰকাৰক সাহাৰ্য বিচাৰি অনুৰোধ ব্যক্তিগত খণ্ডৰ বাহনৰ ড্ৰাইভাৰ,হেণ্ডিমেনৰ

চৰম খাদ্য সংকটত ভুগি বৰক্ষেত্ৰীৰ দৌলাশালৰ কেইবাজনো ব্যক্তিগত খণ্ডৰ বাছ,ট্ৰেভেলাৰৰ ড্ৰাইভাৰ,হেণ্ডিমেন সকলে চৰকাৰী নিৰ্দেশনাক অমান্য কৰি ৰাজপথলৈ ওলাই আহিল বৃহস্পতিবাৰে ৷ তেওঁলোকে ইউনিফৰ্ম পিন্ধি ওলাই আহি সংবাদ মাধ্যমৰ জৰিয়তে চৰকাৰৰ ওচৰত সাহাৰ্য প্ৰদানৰ বাবে আবেদন জনায় ৷

নলবাৰী,16 এপ্ৰিলঃ দেশজুৰি চলি থকা দ্বিতীয় পৰ্যায়ৰ লক ডাউনৰ সময়ত চৰম খাদ্য আৰু অৰ্থ সংকটত পৰিছে দেশৰ নিম্নবৰ্গীয় লোকসকল ৷ দৈনিক উপাৰ্জনেৰে জীৱন নিৰ্বাহ কৰি চলি থকা এইসকল লোকৰ সন্মুখত কৰ’ণা মহামাৰীতকৈও অধিক ভয়াৱহ আন এক সমস্যাই দেখা দিছে ৷ যাৰ ফলত সময়ে সময়ে লক ডাউন অমান্য কৰি জীৱিকাৰ বাবে ঘৰৰ পৰা ওলাই আহিবলৈ বাধ্য হৈ পৰিছে এইচাম লোক ৷ বৃহস্পতিবাৰে এনে এক দৃশ্য দেখিবলৈ পোৱা গ’ল বৰক্ষেত্ৰীৰ দৌলাশালত ৷

উল্লেখ্য যে,চৰম খাদ্য সংকটত ভুগি অঞ্চলটোৰ কেইবাজনো ব্যক্তিগত খণ্ডৰ বাছ,ট্ৰেভেলাৰৰ ড্ৰাইভাৰ,হেণ্ডিমেন সকলে চৰকাৰী নিৰ্দেশনাক অমান্য কৰি ৰাজপথলৈ ওলাই আহিছে ৷ সাংবাদিকে তেওঁলোকক এইবিষয়ে সোধা প্ৰশ্নৰ উত্তৰত তেওঁলোকে কয় যে,দীর্ঘদিনীয়া লোক ডাউনৰ ফলত গাড়ী চলাই জীৱন নিৰ্বাহ কৰা এইসকল লোকে লঘোনে দিন পাৰ কৰিবলগীয়া হৈছে ৷ ইয়াৰ ফলত বৃহস্পতিবাৰে এইসকল ছালক,হেণ্ডিমেন ইউনিফৰ্ম পিন্ধি ওলাই আহি সংবাদ মাধ্যমৰ জৰিয়তে চৰকাৰৰ ওচৰত সাহাৰ্য প্ৰদানৰ বাবে আবেদন জনায় ৷

লগতে পঢ়ক-বাতিল কৰা হ'ল গুৱাহাটী বিশ্ববিদ্যালয়ৰ গৰম বন্ধ