নলবাৰী, 11 নৱেম্বৰ: ৰাসৰ আনন্দ উল্লাসৰ(Nalbari Raas mahotsav 2022) মাজতে বৃহস্পতিবাৰে নিশা নলবাৰীত এক ভয়ংকৰ পথ দুৰ্ঘটনা সংঘটিত হয়(Road accident in Nalbari) । নলবাৰীৰ হাজো-দৌলাশাল পথৰ লোহাৰকাঠা মাদলাবড়ীত বৰপেটাৰ চেঙাৰ দিশৰ পৰা গুৱাহাটী অভিমুখে আহি থকা এখন চাৰিচকীয়া বাহন আৰু বিপৰীত দিশৰ পৰা যোৱা এখন পালচাৰ বাইকৰ মাজত মুখামুখি সংঘৰ্ষ হয় । বাইক আৰু চাৰিচকীয়াৰ মাজত মুখামুখি সংঘৰ্ষৰ ফলত এজন বাইক আৰোহী থিতাতে নিহত হয়(1 Dead In Road accident in Nalbari) ৷
আনহাতে দুৰ্ঘটনাটোত গুৰুতৰভাৱে আহত হয় বাইকখনৰ আনজন আৰোহী তাহেৰ আলী । নিহত লোকজনৰ নাম আছান আলী বুলি জানিব পৰা গৈছে । ইফালে চাৰিচকীয়া বাহনখনৰ চাৰিগৰাকী লোকো এই ঘটনাত গুৰুতৰভাৱে আহত হয়(5 Injured in Road accident in Nalbari) । আহতসকলৰ হৈছে ক্ৰমে খাইৰুন নেছা, মিৰ হুছেইন, ৰিংকু আলী আৰু মুনিয়া বেগম । আহত আটাইকেইজনকে আদাবাৰীৰ মহাত্মা গান্ধী আদৰ্শ চিকিৎসালয়ত ভৰ্তি কৰোৱা হয় যদিও পাছত উন্নত চিকিৎসাৰ বাবে আটাইকেইজনকে গুৱাহাটী চিকিৎসা মহাবিদ্যালয় হাস্পতাললৈ লৈ প্ৰেৰণ কৰা হয় ।
জানিব পৰা মতে, চাৰিচকীয়া বাহনখনেৰে চেঙাৰ পৰা এগৰাকী ৰোগীক গুৱাহাটী চিকিৎসা মহাবিদ্যালয় হাস্পতাললৈ(Guwahati medical college and hospital) লৈ গৈ থকাৰ সময়তে এই পথ দুৰ্ঘটনাটো সংঘটিত হয় । দুৰ্ঘটনাগ্ৰস্ত চাৰিচকীয়া বাহনখনৰ নম্বৰ AS-01-AB-9077আৰু দুচকীয়া বাহনখনৰ নম্বৰ AS-01-EL-5653 ৷ নিহত আছান আলীৰ ঘৰ নলবাৰীৰ আদাবাৰী হাবলাখোৱাত বুলি জানিব পৰা গৈছে ।
লগতে পঢ়ক: Road accident in Rangia: ৰঙিয়াৰ চেপ্তীত পথ দুৰ্ঘটনাত যুৱকৰ মৃত্য়ু
