নলবাৰী, 20 মে': নলবাৰীত ষ্টেট বেংকৰ গ্ৰাহকৰ একাউন্টৰ পৰা ধন হৰলুকীৰ ঘটনা ৷ ষ্টেট বেংকৰ নলবাৰী শাখাত সংঘটিত হৈছে এই চাঞ্চল্যকৰ ঘটনা ৷ বৰপেটাৰ চেঙাৰ গিৰীণ বৈশ্য নামৰ পেঞ্চনাৰ এজনৰ একাউণ্টৰ পৰা কোনো দুষ্ট চক্ৰই লুটি নিলে 68 হাজাৰ টকা ৷ এই ঘটনা পোহৰলৈ অহাৰ পাছতে স্বাভাৱিকতেই আতংকিত হৈ পৰিছে একাউন্টৰ গৰাকী ৷ ঘটনা সন্দৰ্ভত ইতিমধ্যে নলবাৰী সদৰ থানাত দাখিল কৰা হৈছে গোচৰ ৷
নলবাৰীত ষ্টেট বেংকৰ গ্ৰাহকৰ একাউন্টৰ পৰা ধন হৰলুকী
ঘটনাৰ বিৱৰণী অনুসৰি, বুধবাৰে একাউন্টৰ গৰাকী গিৰীণ বৈশ্যৰ বেংকৰ পৰা ধন উলিয়াবলৈ যাওঁতে পাচবুক up-to-date কৰাতহে পোহৰলৈ আহে এই ঘটনা ৷ ইয়াৰ পূৰ্বেও গ্ৰাহকজনৰ একাউন্টৰ পৰা এনেদৰে ধন হৰলুকী হোৱাৰ কথা জনোৱাৰ লগতে এই ঘটনাৰ আঁৰত এটা বৃহৎ চক্ৰ জড়িত থকাৰ সন্দেহ প্ৰকাশ কৰিছে গিৰীণ বৈশ্যৰ পুত্ৰই ৷
লগতে পঢ়কঃ ক'ৰণা ৰোগীৰ চিকিৎসা সন্দৰ্ভত ডাঃ অভিজিৎ শৰ্মাৰ গুৰুত্বপূৰ্ণ মন্তব্য
