নলবাৰী, 27 জুন : চলিত বৰ্ষত বৰ্তমানলৈকে দুটাকৈ ভয়াৱহ বানত ৰাজ্যত ধন-জনৰ বিস্তৰ ক্ষতি হৈছে (Flood effected Assam badly) । হাজাৰ মানুহৰ ঘৰ-দুৱাৰ ক্ষতিগ্ৰস্ত হৈছে । শতাধিক লোকৰ প্ৰাণ গৈছে । হাজাৰ হাজাৰ হেক্টৰ কৃষিভূমিৰ বিস্তৰ ক্ষতিসাধন হৈছে (Farm land effected by flood in Assam)। হাজাৰ হাজাৰ মানুহ এতিয়াও আশ্ৰয় শিবিৰত আছে । সমান্তৰালভাৱে নলবাৰী জিলাতো বানৰ কৱলত পৰি বহু লোক গৃহহীন হোৱাৰ লগতে সৰ্বস্বান্ত হৈছে(Flood effected people of Nalbari) ৷
সোমবাৰে পোন প্ৰথমবাৰৰ বাবে বান অধ্যুষিত অঞ্চল পৰিদৰ্শনৰ বাবে নলবাৰীত উপস্থিত হয় নলবাৰী জিলাৰ অভিভাৱক তথা শক্তিমন্ত্ৰী নন্দিতা গাৰ্লোছা(Minister Nandita Garlosa visits Nalbari flood affected area) । মুখ্যমন্ত্ৰীৰ নিৰ্দেশ মৰ্মে বানপীড়িত ৰাইজৰ বিভিন্ন সমস্যাৰ বিষয়ে বুজ লোৱাৰ লগতে আগন্তুক সময়ত ল'বলগীয়া পদক্ষেপ সম্বন্ধে আলোচনা কৰাৰ উদ্দেশ্যে নলবাৰীত উপস্থিত হয় শক্তি মন্ত্ৰীগৰাকী ।
নলবাৰীৰ বিভিন্ন প্ৰান্তত চৰকাৰী সাহাৰ্যৰ ক্ষেত্ৰত হৈ থকা সমস্যাৰ ওপৰতো চোৱা চিতা কৰিব বুলি উল্লেখ কৰে মন্ত্ৰীগৰাকীয়ে । ইয়াৰ পিছতে নলবাৰীৰ বৰভাগৰ বৰসীমলুৱা, দকোহা, দুখুঁটিমুখ আদিকে ধৰি বিভিন্ন অঞ্চলত বানাক্ৰান্তৰ অৱস্থাৰ বিষয়ে বুজ ল'লে মন্ত্ৰীগৰাকীয়ে ৷
লগতে পঢ়ক : কৃত্ৰিম বান ৰোধৰ বাবে যোৰহাট জিলা প্ৰশাসনৰ বিশেষ পদক্ষেপ
