নলবাৰী,2 মে’ঃ দীৰ্ঘদিনে ৰাজ্যত অব্যাহত আছে মৃৎ শিল্পৰ দুৰৱস্থা ৷ শেহতীয়া পৰিস্থিতিৰ বাবে এই শিল্পতো প্ৰভাৱ পৰিছে লক্ ডাউনৰ ৷ নলবাৰী জিলাৰ বৰক্ষেত্ৰীৰ অন্তৰ্গত মুকালমুৱাত মৃৎ শিল্পীসকলৰ মাজত বৰ্তমান সৃষ্টি হৈছে হাহাকাৰ পৰিস্থিতিৰ । লক্ ডাউনৰ বাবে বজাৰ বন্ধ হোৱাৰ ফলত বিক্ৰী কৰিব পৰা নাই নিৰ্মিত কোনো সামগ্ৰী ৷
পূৰ্বে ৰেড জ’ন ঘোষিত নলবাৰী জিলা সম্প্ৰতি কৰ’ণামুক্ত হোৱাত চৰকাৰে গ্ৰীণ জ’ন ঘোষণা কৰে ৷ লক্ ডাউন ক্ৰমাৎ দীঘলীয়া আৰু অধিক কঠোৰ হোৱাৰ বাবে নিৰ্মিত সামগ্ৰী বিক্ৰী কৰিব নোৱাৰাত আৰ্থিক সংকটৰ সন্মুখীন হৈছে শিল্পীসকল ৷ ফলত খাদ্য সংকটৰ সন্মুখীন হৈছে এই শিল্পত জড়িত প্ৰতিটো পৰিয়াল ৷ চৰকাৰে এই পৰিস্থিতিৰ প্ৰতি লক্ষ্য ৰাখি বিভিন্ন সময়ত সহায় আগবঢ়াই আহিছে যদিও উক্ত অঞ্চলৰ লোকসকলে এতিয়াও লাভ কৰা নাই কোনো সাহায্য ৷ আজিৰ তাৰিখলৈকে কোনো চৰকাৰী আঁচনিৰ অধীনত সুবিধা লাভ নকৰা পৰিয়ালকেইটাৰ প্ৰতি সদয় হোৱা নাই স্থানীয় জন প্ৰতিনিধি ৷
লগতে চাওকঃ বঙাইগাঁৱত নিচাসক্ত পুত্ৰক হত্যা পিতৃৰ
