নলবাৰী, 23 মাৰ্চ : নলবাৰীত শুকুৰবাৰে নিশা সংঘটিত হ’ল এক অপহৰণকাণ্ড । নলবাৰীৰ কালাগতসংঘটিত হ’ল এই ঘটনা । চাৰি লম্পট যুৱকে অপহৰণ কৰিলে দুই কিশোৰী আৰু এটি শিশু । দৌল মহোৎসৱৰ সাংস্কৃতিক অনুষ্ঠান চলি থকাৰ মাজতে সংঘটিত হল এই ঘটনা ।বৰভাগৰ ভানুকুছিৰ সীমান্ত শৰ্মাৰ নেতৃত্বত পল্লব শৰ্মা, হিতেশ শৰ্মা, আৰু মৰোৱাৰ ৰাজেন বৈশ্যই পৰিকল্পনা কৰি কালাগৰ দৌল মহোৎসৱচলি থাকোতেই কৌশলেৰে অপহৰণ কৰে কালাগৰ দুই কিশোৰী আৰু এটি শিশু । ঘটনা সন্দৰ্ভত নিশাই কিশোৰী দুগৰাকীৰ পৰিয়ালে কমাৰকুছি আৰক্ষী চকীত গোচৰ দাখিল কৰাত নলবাৰী আৰক্ষীয়ে তীব্ৰ অভিযান চলাই অপহৰণকাৰীৰ কৱলৰ পৰা উদ্ধাৰ কৰে অপহৃতদুইকিশোৰী আৰু এটি শিশু । এটি ভাৰাঘৰৰ পৰা উদ্ধাৰ কৰা হয় অপহৃতক । ঘটনা সন্দৰ্ভত অভিযুক্তঅপহৰণকাৰী পল্লব শৰ্মা, হিতেশ শৰ্মা আৰু ৰঞ্জন বৈশ্যক আৰক্ষীয়ে আটক কৰিছে ।
নলবাৰীত চাঞ্চল্যকৰ অপহৰণ কাণ্ড
