নলবাৰী, ১৪ আগষ্ট: নলবাৰীত কংগ্ৰছে স্বাধীনতাৰ গৌৰৱময় যাত্ৰা(Gauravmoy Yatra of congress)উপলক্ষে দেওবাৰে শোভাযাত্ৰা উলিয়াই । ইপিনে,নলবাৰী জিলা দিৱসৰে সংগতি ৰাখি কংগ্ৰেছ দলে আম্বেদকাৰ চ'কত প্ৰয়াত প্ৰাক্তন মুখ্যমন্ত্ৰী ডাঃ ভূমিধৰ বৰ্মনক(Dr Bhumidhar Barman) শ্ৰদ্ধাঞ্জলি জ্ঞাপন কৰে । ভাৰতৰ ৭৫ সংখ্যক স্বাধীনতা দিৱস(75th Years of Independence)ৰাজ্যৰ সমষ্টিয়ে সমষ্টিয়ে কংগ্ৰেছে উলিয়াইছে 'স্বাধীনতাৰ গৌৰৱময় যাত্ৰা' শীৰ্ষক শোভাযাত্ৰা । নলবাৰী জিলাৰ সদৰ সমষ্টিতো নলবাৰী জিলা কংগ্ৰেছে এই উৰলক্ষে স্বাধীনতাৰ গৌৰৱময় যাত্ৰা শোভাযাত্ৰা উলিয়াই ৰাইজৰ দৃষ্টি আকৰ্ষণ কৰে ।
জিলা কংগ্ৰেছৰ মুখ্য কাৰ্য্যালয় ৰাজীৱ ভৱনৰ পৰা জিলা কংগ্ৰেছৰ সভাপতি ৰাতুল পাটোৱাৰীৰ নেতৃত্বত এই শোভাযাত্ৰা উলিওৱা হয় । এই সমদলটোৱে নলবাৰীৰ দৈনিক বজাৰৰ মাজেৰে গৈ বাটাৰ চ'ক, মছজিদ চ'কত উপস্থিত হয় । ইপিনে, নলবাৰী জিলা দিৱসৰ লগত সংগতি ৰাখি বিভিন্ন কাৰ্যসূচী ৰূপায়ণ কৰে । এই কাৰ্যসূচীত অংশগ্ৰহন কৰা লোকসকলে অম্বেদকাৰ চ'কত প্ৰয়াত প্ৰাক্তন মুখ্যমন্ত্ৰী ডাঃ ভূমিধৰ বৰ্মনৰ ছবিত বন্তি প্ৰজ্বলনেৰে শ্ৰদ্ধাঞ্জলি জনায় । উক্ত শ্ৰদ্ধাঞ্জলিৰ অন্তত দলটোৱে পুনৰ ৰাজীৱ ভৱনত গৌৰৱ যাত্ৰা সমাপ্তি কৰে ।
