নলবাৰী, 6 আগষ্টঃ নলবাৰীৰ বিধায়ক অশোক শৰ্মাৰ বিৰুদ্ধে আৰক্ষী থানাত নলবাৰী জিলা কংগ্ৰেছ দলে দাখিল কৰিছে এজাহাৰ ৷ বিধায়ক গৰাকীৰ লগতে অভিযোগ দিছে বিজেপিৰ ৰাজ্যিক উপ সভাপতি জয়ন্ত মল্ল বৰুৱা , নলবাৰীৰ উপায়ুক্ত , আৰু আৰক্ষী অধীক্ষকৰ বিৰুদ্ধেও ৷ নলবাৰী জিলা কংগ্ৰেছে এজাহাৰ দাখিল কৰিছে নলবাৰী সদৰ থানাত ৷
কংগ্ৰেছৰ অভিযোগ, ৰাজ্যৰ মুখ্য সচিবে কোনো ধৰ্মীয় অনুষ্ঠান , উৎসৱ পাৰ্বনত অধিক লোকৰ সমাগম কৰিব নোৱাৰিব বুলি দিয়া নিৰ্দেশক অমান্য কৰি তেওঁলোকে বুধবাৰে ধৰ্মীয় অনুষ্ঠানত অংশ লৈছিল ৷ অযোধ্যাত ৰাম মন্দিৰ ভূমি পূজনৰ লগত সংগতি ৰাখি নলবাৰী জিলাৰ খাৰজাৰা দুধনাথ বিগ্ৰহ থানত হোম-যজ্ঞৰ আয়োজন কৰিছিল ৷ য’ত অংশ লৈছিল বিধায়ক গৰাকীৰ লগতে সহস্ৰাধিক লোকে ৷
সেয়ে এতিয়া কংগ্ৰেছৰ প্ৰশ্ন, অশোক শৰ্মাই এহেজাৰ মানুহ গোট খুৱাই কিদৰে যজ্ঞ অনুষ্ঠিত কৰিব পাৰিলে, জিলা প্ৰশাসন কিম্বা আৰক্ষী প্ৰশাসনৰ তৰফৰ পৰা অনুমতি লৈছিল নে ? যদি প্ৰশাসনৰ তৰফৰ পৰা অনুমতি দিয়া হৈছিল তেতিয়া হ'লে নিয়ন্ত্ৰণৰ ব্যৱস্থা কিয় কৰা নহ'ল?
লগতে পঢ়কঃ নতুন শিক্ষা নীতি ৰূপায়নৰ পূৰ্বে বড়ো মাধ্যমৰ সমস্য়া সমাধানৰ দাবী এবছুৰ
