নলবাৰী, 1 জুন : নলবাৰীত আজাদী কা অমৃত মহোৎসৱ উপলক্ষে গৰীৱ কল্যাণ সন্মিলন নামৰ এক অনলাইন কাৰ্যসূচী অনুষ্ঠিত কৰা হয় । নলবাৰী নাট্য মন্দিৰত অনুষ্ঠিত কৰা হয় এই বিশেষ অনুষ্ঠান । এই কাৰ্যসূচীত উপস্থিত থাকে শিক্ষা মন্ত্ৰী ডাঃ ৰণোজ পেগু আৰু মুখ্যমন্ত্ৰীৰ ৰাজনৈতিক সচিব তথা সমষ্টিটোৰ বিধায়ক জয়ন্ত মল্ল বৰুৱা ।
উক্ত অনুষ্ঠানত প্ৰধানমন্ত্ৰী নৰেন্দ্ৰ মোডীয়ে ঌ টা বিভাগৰ ১৬ খন আঁচনি সন্দৰ্ভত অনলাইনযোগে ভাষণ প্ৰদান কৰাৰ লগতে হিতাধিকাৰীৰ সৈতে মত বিনিময় কৰে । এই অনুষ্ঠানতে মুখ্যমন্ত্ৰীৰ নাজিৰাৰ কাৰ্যসূচীও প্ৰদৰ্শন কৰা হয় ।
অনুষ্ঠানত আৱাস গৃহ নিৰ্মাণ, খোৱাপানীৰ যোগান, খাদ্য, স্বাস্থ্য আৰু পুষ্টিকৰ আঁচনি সন্দৰ্ভত অনলাইনযোগে আলোচনা কৰা হয় । এই অনলাইন কাৰ্যসূচীত প্ৰধানমন্ত্ৰী আৱাসগৃহ যোজনা, প্ৰধানমন্ত্ৰী কিষাণ সন্মান নিধি, প্ৰধানমন্ত্ৰী উজ্জ্বলা আঁচনি, স্বচ্ছ ভাৰত অভিযান, জলজীৱন মিছন আৰু অটল অমৃত যোজনা, প্ৰধানমন্ত্ৰী স্ব-নিধি আঁচনি, এক ৰাষ্ট্ৰ এক ৰেচন কাৰ্ড, প্ৰধানমন্ত্ৰীৰ গৰীৱ কল্যাণ অন্ন যোজনা, আয়ুস্মান ভাৰত, প্ৰধানমন্ত্ৰী জন আৰোগ্য যোজনা আদিৰ সন্দৰ্ভতো আলোচনা কৰা হয় ৷
লগতে চাওক: নলবাৰীত বিশ্ব ধঁপাত বিৰোধী দিৱস উদযাপন
