নলবাৰীত অসম জাতীয়তাবাদী যুৱ ছাত্র পৰিষদৰ বাইক ৰেলী

নলবাৰী চহৰৰ এন টি ৰোডৰ মুখ্য কাৰ্যালয়ৰ পৰা অসম জাতীয়তাবাদী যুৱ ছাত্ৰ পৰিষদৰ নলবাৰী জিলা সমিতিয়ে "কা" বাতিল আৰু আন্তঃৰাজ্যিক পাৰপত্ৰ প্ৰবৰ্তনৰ দাবীত বিশাল বাইক ৰেলী উলিয়াই ৷

নলবাৰী,4 মাৰ্চ: বিধানসভা নিৰ্বাচনৰ পূৰ্বে নলবাৰীত অসম জাতীয়তাবাদী যুৱ ছাত্ৰ পৰিষদৰ বাইক ৰেলী ৷ অসম জাতীয়তাবাদী যুৱ ছাত্ৰ পৰিষদৰ নলবাৰী জিলা সমিতিয়ে "কা" বাতিল আৰু আন্তঃৰাজ্যিক পাৰপত্ৰ প্ৰবৰ্তনৰ দাবীত বিশাল বাইক ৰেলী উলিয়াই ৷ নলবাৰী চহৰৰ এন টি ৰোডৰ মুখ্য কাৰ্যালয়ৰ পৰা উলিওৱা বাইক ৰেলীৰে সমগ্ৰ চহৰখন পৰিভ্ৰমণ কৰে ৷ ইয়াৰ লগতে সংগঠনটোৱে জিলাখনৰ ভিন্ন প্ৰান্তত "কা" বিৰোধী আন্দোলন পুনৰ আৰম্ভ কৰিবলৈ আহ্বান জনাই ৷

নলবাৰীত অসম জাতীয়তাবাদী যুৱ ছাত্র পৰিষদৰ বাইক ৰেলী

উল্লেখ্য যে বৃহস্পতিবাৰে উলিওৱা বাইক ৰেলীত সংগঠনটোৱে "কা" আমি নামানো,বিজেপি গ'বেক,কা বাতিল কৰিব লাগিব আদি শ্ল'গানেৰে পৰিৱেশ উত্তাল কৰি তোলে ৷ এই বাইক ৰেলী কাৰ্যসূচীত সংগঠনটোৰ প্ৰায় শতাধিক কৰ্মীয়ে অংশ গ্ৰহণ কৰে ৷

লগতে পঢ়ক: নিৰ্বাচনী বিষয়া-কৰ্মচাৰীৰ ক্ষেত্ৰত বাধ্যতামূলক কোভিড প্ৰতিষেধক