চামগুৰি, 17 মে’: চামগুৰিৰ বৰজুৰিত সোমবাৰে সংঘটিত হৈছে এটা চাঞ্চল্যকৰ হত্যাকাণ্ড ৷ প্ৰতিবেশী মহিলাৰ আক্ৰমণত নিহত হয় বিমলা চাওঁতাল নামৰ এগৰাকী মহিলা ৷ চোকা অস্ত্ৰৰে মহিলাগৰাকীক উপৰ্যুপৰি আক্ৰমণ কৰিছিল আন এগৰাকী মহিলাই । উক্ত আক্ৰমণত থিতাতে নিহত হয় মহিলাগৰাকী ৷ জানিব পৰা মতে, দুয়োগৰাকী মহিলাৰ মাজত প্ৰথমে কাজিয়াৰ সুত্ৰপাত হয় আৰু এটা সময়ত উক্ত কাজিয়াৰ পৰিণতিতে সংঘটিত হয় এই হত্যাকাণ্ড ৷
চামগুৰিত চোকা অস্ত্ৰৰে হানি-খুচি হত্যা এগৰাকী মহিলাক
ইতিমধ্যে শালনা আৰক্ষীয়ে গ্ৰেপ্তাৰ কৰিছে অভিযুক্ত মহিলাগৰাকীক ৷ দুয়োৰে মাজত কি বিষয়ত কাজিয়াৰ সুত্ৰপাত হৈছিল সেই কথা এতিয়াওঁ জানিব পৰা হোৱা নাই ৷ বৰ্তমান আৰক্ষীয়ে ঘটনাৰ তদন্ত অব্যাহত ৰাখিছে ৷
লগতে পঢ়ক: চুমিলা ৰংহাঙপীৰ নামত কাৰ্বি ভূমিত স্থাপন হ’ব বিদ্যালয়
