বঢ়মপুৰ, ২৮ মে': নগাঁৱৰ আৰক্ষী অধীক্ষক হিচাপে আই পি এছ বিষয়া আনন্দ মিশ্ৰই যোগদান কৰাৰ পাচৰে পৰা নগাঁও আৰক্ষীয়ে অব্যাহত ৰাখিছে অপৰাধ বিৰোধী অভিযান। বিগত এসপ্তাহে ক্ৰমাৎ অপৰাধৰ ঘাটিলৈ ৰূপান্তৰিত হোৱা নগাঁৱত ড্ৰাগছ মাফিয়াৰ বিৰুদ্ধে অভিযান চলোৱাত আৰক্ষীয়ে কেইবাজনো অপৰাধীক আটক কৰিবলৈ সক্ষম হৈছে ৷
বৃহস্পতিবাৰে নিশা পুনৰ নগাঁও জিলাৰ কামপুৰত আৰক্ষীয়ে অভিযান চলাই বৃহৎ পৰিমানৰ বিলাতী সুৰা জব্দ কৰাৰ লগতে এজনক আটক কৰিবলৈ সক্ষম হয় । এক গোপন সূত্ৰৰ পম খেদি কামপুৰ পুৰণা বাছ আস্থানৰ পৰা কামপুৰ আৰক্ষীয়ে ৬ কাৰ্টুন বিলাতী সুৰাসহ সুশীল ঘোষ নামৰ এজন সুৰা বেপাৰীক আটক কৰে । জব্দ কৰা আটাইখিনি সুৰা কামপুৰ আৰক্ষীয়ে শুকুৰবাৰে পুৱা আৱকাৰী বিভাগক গতাই দিয়ে ।
লগতে পঢ়ক: নলবাৰীত আৰক্ষীৰ ড্ৰাগছ বিৰোধী অভিযান অব্যাহত
