কলিয়াবৰ,19 অক্টোবৰ: কলিয়াবৰত জব্দ অবৈধ ভাৱে সৰবৰাহ কৰা দুখনকৈ গৰু ভৰ্তি ট্ৰাক। শনিবাৰে পুৱতি নিশা উলুৱনি আৰক্ষীৰ অভিযানত জব্দ কৰা হয় দুখন কৈ ট্ৰাক ৷ কলিয়াবৰৰ চুলুঙত জব্দ কৰা হয় গোগামুখৰ পৰা আহি থকা গৰু ভৰ্তি ট্ৰাক কেইখন। জব্দকৃত দুখনকৈ ট্ৰাকৰ পৰা উদ্ধাৰ কৰা হয় মুঠ 69 টা গৰু। ইতিমধ্যে আৰক্ষীয়ে আটক কৰিবলৈ সক্ষম হৈছে বাহন কেইখনৰ চালক-হেণ্ডিমেনসহ 8 জন লোকক । কোনো নথি পত্ৰ অবিহনে গৰু সমূহ গোগামুখৰ পৰা সৰবৰাহ কৰা হৈছিল ৷ জব্দকৃত AS-17B-2789 নম্বৰৰ ট্ৰাকখনত 26 টা আৰু AS-07C-3681 নম্বৰৰ ট্ৰাকত 43 টা গৰু উদ্ধাৰ হয়। নগাৱঁৰ ৰূপহী আৰু জুৰীয়ালৈ সৰবৰাহ কৰাৰ পথত উলুৱনি আৰক্ষীয়ে জব্দ কৰে ট্ৰাককেইখন ৷
উল্লেখ্য যে,ৰাজ্যত অব্যাহত গৰুৰ অবৈধ সৰবৰাহ। নিশা হ'লেই ট্ৰাকে ট্ৰাকে সৰবৰাহকাৰীয় চোৰাং ভাৱে সৰবৰাহ কৰি আহিছে শ-শ গৰু। শনিবাৰে পুৱতি নিশা কলিয়াবৰত জব্দ হোৱা দুখনকৈ গৰু ভৰ্তি ট্ৰাকে ইয়াকে প্ৰমাণ কৰিছে ৷ শুকুৰবাৰেও মহানগৰীৰ ন মাইলতো আৰক্ষীয়ে জব্দ কৰিবলৈ সক্ষম হয় এখন গৰু ভৰ্তি ট্ৰাক ৷ ট্ৰাকখনৰ পৰা মুঠ 17 টাকৈ গৰু উদ্ধাৰ কৰে আৰক্ষীয়ে ৷
